Salianji nga Durrësi: PD-ja, e paaftë për të bindur shqiptarët

Ish-deputeti demokrat, Ervin Salianji, nisi sot, 3 dhjetor, foltoren e tij nga qyteti i Durrësit. Ai deklaroi se Partia Demokratike, duhet të udhëheqë ndryshimin që të gjithë po presin.

“Sot është koha për të folur edhe për ne”, tha ai duke shtuar se pritshmëritë e shqiptarëve janë të mëdha.

Sipas Salianjit, është e vërtetë që me Edi Ramën dhe Partinë Socialiste nuk zhvillohen zgjedhje të ndershme, por një arsye pse opozita dhe Partia Demokratike nuk po fiton është edhe prej paaftësisë së saj.

“Do të na urrejë çdo demokrat nëse nuk u përgjigjemi në kohë shqetësimit të tyre. Është e drejtë që Rama dhe PS nuk zhvillojnë zgjedhje të drejta. Edi Rama përdor mjete të ndyra në politikë, e ka bërë të papërgjegjshme, të shthurur. Por të dashur miq duhet ta themi hapur, një tjetër shkak është paaftësia e opozitës, e PD si forca më e madhe opozitare në vend, për të qenë bindëse, për të nxjerrë shqiptarët drejt kutive të votimit. Zgjedhjet e pjesshme janë sinjal”, tha Salianji.

Sipas Salianjit është koha për të kuptuar pse demokratët nuk dalin të votojnë. Ai theksoi se pavarësisht skandaleve, Partia Demokratike nuk po rritet.

Salianji, i cili është njëkohësisht edhe anëtar i Kryesisë së Partisë Demokratike tha se selia blu duhet t’i dëgjojë demokratët, përkundrazi mosdëgjimi i tyre është “një gabim i rëndë”.

Ai theksoi se PD-ja “duhet të hapet, të ripërtërihet, të zgjohet, të rinovohet, të fitojë”.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan