İrana sanksiya şoku: ölkəni nə gözləyir?

Ötən həftə sonu Tehran son illərin ən ağır iqtisadi zərbəsini aldı. BMT və Avropa İttifaqı İrana qarşı 10 il əvvəl ləğv edilən sanskiyaları bərpa etdi. İttihamlar eynidir. İran heç vaxt nüvə silahı əldə etməyəcəyinə və ya inkişaf etdirməyəcəyinə zəmanət verən razılaşmanı pozub. Onsuz da bu ölkə iqtisadi böhranla üz-üzə idi. İllərdir dünyadan təcrid olunmuş vəziyyətdədir. Amma İran bütün təzyiqlərə rəğmən pis-yaxşı ayaqda qalmağı bacarıb. Bundan sonra bacaracaqmı? Çətinliklər gözləniləndir. Çünki köhnə sanksiyalara yeniləri əlavə olunub. Ekspertlər hesab edir ki, yeni sanksiyalar daxili narazılıq da yarada bilər. Məlumdur ki, İranda hakimiyyət sistemində iki qanad var. İslahatçı Prezident Məsud Pezeşkian və mühafizəkar Ali lider Əli Xameneyi. Pezeşkian Qərblə dialoqa açıq şəxsdir. Hətta ötən il sanksiyaların ləğvi üçün Qərblə danışıqlara da hazır idi. Lakin Qərb İran hakimiyyətində fərqli fikirlər səbəbindən danışıqlara getmədi. Tehran sanksiyalara sərt reaksiya ilə bağlı xəbərdarlıq edir. Digər tərəfdən isə İsraildən gələcək növbəti zərbəyə hazırlaşır. Netanyahunun İranla bağlı son bəyanatı olduqca düşündürücüdür. “Biz İranın nüvə silahının yerini dəqiq bilirik” deyir. İsrail İrana yenə hücum edəcəkmi? Ehtimallar yüksəkdir.

Bizi İzləyin:
Whatsapp: https://bit.ly/457kdup
Facebook: https://bit.ly/3H6GtMT
Instagram: https://bit.ly/46wEkoi
Teleqram: https://bit.ly/3INUKP2
Sayt: https://bit.ly/3UzGQme

Copyright © İCTİMAİ TV