Qəzzadan Bakıya: Azərbaycan ailəni necə xilas etdi?

Əvvəlcə əbədi sülh, sonra görünməmiş cəhənnəm. Bir həftədə iki fərqli vəd. Birincisi gerçəkləşməyə yaxındır. Yaxın Şərqə nəhayət bahar gəlir. Ərəb baharı yox, Tramp baharı. Qəzza planı. Amerika Prezidenti bu planını ötən həftə ərəb liderləri və Türkiyə Prezidenti ilə müzakirə etmişdi. Bu dəfə Ağ Evdə Netanyahunu qarşıladı. Uzun müzakirədən sonra plan açıqlandı. HƏMAS-ın silahsızlandırılması, Qəzzanın beynəlxalq nəzarət altında müvəqqəti idarə olunması. Bundan bir neçə gün sonra Amerika HƏMAS-a ultimatum da verdi. Oktyabrın 6-sı, saat 11.00. Qəzza planı reallaşmasa, HƏMAS-ı indiyə qədər görünməmiş cəhənnəm gözləyirdi. Bilmirəm, Qəzza üçün görünməmiş cəhənnəm daha necə ola bilər? Onsuz da 2 ildir bu bölgə əsl cəhənnəmi xatırladır. İki əvvəl İsrailə hücum edən HƏMAS, iki ildir öldürülən dinc qəzzalılardır. İndi onlar üçün işıq ucu görünür. HƏMAS Trampın planı ilə razılaşıb. İsrailli girovları azad etməlidir. Amma planın digər maddələri ilə bağlı danışıqlar aparılmalıdır. Bu razılaşma nə dərəcədə realdır? İsrail Qəzzadan çıxacaqmı? Qəzzalılar ümidlidir. Yenidən köhnə həyatlarına qayıtmaq istəyirlər. Elkord ailəsi kimi. 4 qadın. Üç bacının anası azərbaycanlı, ata və həyat yoldaşları fələstinlidir. Bir müddət əvvəl Qəzzadan Bakıya gətiriliblər. Bomba səsi, aclıq, susuzluq, qorxu. Bu, onların hər gün yaşadığı əzablar olub. Bəzi yaxınlarını itiriblər. Artıq savaşın bitməsini arzulayırlar.

Bizi İzləyin:
Whatsapp: https://bit.ly/457kdup
Facebook: https://bit.ly/3H6GtMT
Instagram: https://bit.ly/46wEkoi
Teleqram: https://bit.ly/3INUKP2
Sayt: https://bit.ly/3UzGQme

Copyright © İCTİMAİ TV