MNDAA နဲ့ အာဏာသိမ်းတပ် တင်းမာမှုပြန်ဖြစ် (ရုပ်/သံ)
Автор: The Irrawaddy News
Загружено: 2025-11-14
Просмотров: 89712
ဧရာဝတီ၊ နိုဝင်ဘာ ၁၄၊ ၂၀၂၅
ရှမ်းပြည်နယ်မြောက်ပိုင်းမှာ တရုတ်အစိုးရကြားဝင်မှုနဲ့ အပစ်ရပ်ထားတဲ့ မြန်မာအမျိုးသား ဒီမိုကရက်တစ် မဟာမိတ်တပ်မတော် (MNDAA) နဲ့ အာဏာသိမ်း စစ်တပ်တို့ကြား ဒီသီတင်းပတ်အတွင်း တင်းမာမှု ပြန်ဖြစ်နေတယ်လို့ ဒေသခံတွေက ဧရာဝတီကို ပြောပါတယ်။
လားရှိုး-သီပေါလမ်းနဲ့ လားရှိုး-မိုင်းရယ်လမ်းပိုင်းနှစ်ခုမှာ MNDAA တပ်ဘက်က စစ်အင်အားဖြည့်တင်းတာ၊ စစ်အင်အား နေရာရွှေ့ပြောင်း လှုပ်ရှားနေတာ ရှိသလို၊ လားရှိုး-သီပေါလမ်းပိုင်းက သီပေါတံတား မှာတော့ နှစ်ဖက်တပ်တွေ အပြန်အလှန် ဖြတ်သန်း သွားလာခွင့် ပိတ်ထားတယ်လို့ ဒေသခံတွေက ပြောပါတယ်။
အာဏာသိမ်းတပ်နဲ့ MNDAA တို့ကြား အခုသီတင်းပတ်အတွင်း လားရှိုးမြို့ပေါ်က ဆင်နှစ်ကောင်ဟိုတယ်မှာ ဆွေးနွေးပွဲ ၃ ရက်ပြုလုပ်ခဲ့တယ်လို့ လားရှိုးမြို့ခံက ဧရာဝတီကိုပြောပါတယ်။ ဒီတခေါက်ဆွေးနွေးပွဲအတွင်းမှာ အာဏာသိမ်းတပ်ဘက်က လားရှိုးမြို့ပြင် ကျေးရွာတွေမှာ တပ်စွဲထားတဲ့ MNDAA တပ်တွေ ပြန်ဆုတ်ခွာပေးဖို့ ပြောဆိုရာ သဘောတူညီမှုမရရှိဘဲ အခြေအနေတင်းမာလာတာဖြစ်တယ်လို့ ဒေသခံတွေက ပြောပါတယ်။
#မြန်မာ #ဧရာဝတီ #MNDAA #လားရှိုး #သီပေါ #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy
Доступные форматы для скачивания:
Скачать видео mp4
-
Информация по загрузке:
