Həkiyətbır - Murada hıır səhv

Midi cubruğundadı dars vii. Baqanə
qhudiyğa dars diş. Zəng qhıixıidə Kamil
məlimərə cid ruşk'a – dəftərbır sıt'a
qhıır, xhələ jurnalak şiv idə kixhinala
xhala huxhur: "Xalıd tapşırıx: vaıxçuıxda
q'vaıd yığ vaxtıdıd yii. Midi q'uındi yığa
vuıxçaı haırsinara sa yişinə yıxıd kar ha'.
Laığuınara q'vaıd- xhibid hıınə lap yıxa
ruıq'uıd. Yanudu aıvğuıy darsad tur ki
havad yıkıs yii "Yic hııd yıxıd kar"".
Murada ki ci-cid kitabır sumkuda sıt'a
qhaanə fikir vaar: "Çətindi dars vıkıs vii.
Şiv kar haasdə ki "Yıxıd" yişixh... Nənədıqı
xutkur yıqar, havnas hats'as yii".
Baqa yaıkkvaıs luqhuzur, qhuşbur
sit'q'ınala xhala nənədi yanada yirq'ır.
Nənərə kuxniyə çey raığaınə surq'ur
riinay. Muradıs ki nənədi yanada viidi
ustula suq'udə, naq'ay Kamil məlimərə
huxhubu yik'i qhit'q'ır. Murada nənədıqı xulkar: "Ay nənə,
yıxıd kar şivsəd ruıq'uır? Yic şiv haasda
ki, havad kar "Yıxıd" yişixh?" Nənərə
Muraddı qhuşala xıl ıiğlıixıir ruxhur:
"Ğvada haas yıkısıd yıxıd karbır bala
yii. Xhıv lıiıinala xhala yıxhır tovluda
adı danayəs uq'bur səh. Xhələ k'aıt'əşis
dənbır sa' ".
Murada nənaxda ubur qhixhinəki
havnara huxhubu q'abıl yişiş. Ci- cidə
ruxhur: "Uq'bur sixhin, dənbır sıın şiv
idə ki. Yic minadıqı yıxıd kar hıın xulkar,
minara yədə şiv ruxhur! Nənəs ki yıxıd
kar şivid yiidə hats'aş. Yıxhır babadıqı
xutkur yıqar. Havnas mütlax hats'as yii".
Babara maıhlidə şas calamış hııd
tuturud calaxbır bərəxhvan kaıqhyuışuınə
yiinay. Murada babadıqı ki "Yıxıd kar
şiv yiidə" xhur xulkar. Babara ruxhur:
"Mibır tuturud calaxbır yii. Hamı yic çind
calax ki kaıqhuışuıs yii. Xhələ yicnə ğuc
mid calaxbır ğara rıiqhdi ziya g'uybur
hıır kit'it'xvas yii. 2-di, 3-di sıdıla xhala
midi calaxmıkla xukbur yişir balad tut
akas yii. Ham ki, sıghdı vaxtıra ilsanar
havmudu külgüdə sut'q'us dii. Yic mid
calax kaığaıyşuına yıq'amə ğuc vıra didis
kümək qha',usbur maıhlidə ləqhyəx,
çirpibır tanduradı yanada qhaka. Yic
ğvada hamı huxhud karbır sinəbır - yıxıd
karbır yii". Muradıs babara huxhubu ki q'abıl yişiş.
"Babas ki hats'ış... Şivsə yəni, rıiqhdi ziya
huş idə külgüdə suq'us yii xhur yic calax
yəzəsmə? Didə ki usbur sıt'a qhaanə yii,
q'ayidəd usbur madana yii. Yic kümək
çıınəki ruıq'uıd".
Murada naıxaıdi yıq'amə fikir vaanə
ruğur, yıxıd kar harsır, ama, fayiş...
Kamil məliməd, jurnal ustula sixhir,
"Salam" xhunala xhala süftədəd sual mid
yişir: "Hə, hamı vuıxçə yixh haqvas, midi
q'uındi yığa halıra hind yıxıd kar hııdə?"
Muradıxhvan sa ustula şuruq'uy Arzura
huxhur: "Məlim, yic yaıkkvaıs nənala
g'abağa luqhurzur k'aıt'aışdi damad rak
ıır, havmıs xhəd sixhir, dənbır sıır". Zaura rxhur:
"Məlim, yic didiş kümək
hıır. Didə usbur cuılə haadə, yic yarmabır
cərgidə sıt'a qhıır". Ramizə huxhur: "Məlim,
yaıxçuıxdiilvuıruıq'uıy rıiqhdi ziya viidi xhiddi arxıda
balad klyonkabır, daharbır, kağatbır aıtxıir
yiinay.Yicnə Qalibə bərbır fanə dıxhır
havdı arx maıtə qhavır". Çindi xınımaşə ki
haırsinara hııd karbır huxhur.
Kamil məlimərə huxhur: "Hə, vuıxçə
sinmıra vaıdüşdə laığuıy yıxıd kar hıır yii.
Murad, bəs ğuc şiv kar hııdə?"
Murad ğili luzur, kəllə alda çavır
huxhur: "Məlim, yədə yıxıd kar fayiş".
Kamil məlimərə saşivqa çuxhunə ki,
Muradıs q'uışq'aı yişir. Ci-cis xacalat
haanə fikir havır: "Mimıra hııd karbır
yədə ki haas laığuıdiy, yic ma hıış!"