السر خالد بشارة حريف التعامل مع الفرص - كانوا هنا

السر خالد بشارة حريف التعامل مع الفرص - كانوا هنا khaled_bichara# #خالد_بشارة
شوف باقي حلقات سلسلة كانوا هنا
   • قصص محفزة - سلسلة  كانوا هنا  

في ٣١ يناير 2020 صحينا علي خبر وفاة بيل غيتس مصر خالد بشارة، ويمكن قبل التاريخ دا مكنش خالد بشارة معروف لاغلبية الناس علي الرغم من امتلاكه شهرة فريدة في وسط المال والاعمال لكنه كان قليل الظهور وقليل الكلام بردوا.

خالد اتولد في 27 يوليو سنة 1971م وفي سنة 1993 اتخرج من الجامعة الامريكية بالقاهرة، من كمبيوتر ساينس
وبعد تخرجه رفض يشتغل في شركة عيلته وقرر يمشي في طريقه الخاص واللي بداه بتاسيس شركة صغيرة مع اثنين من اصدقائه واللي انتهت بالفشل.

لكن فشل البدايات ماثرش علي بشارة اللي قرر يبدا واحدة من اكبر مغامراته واللي كانت نقطة تحول كبيرة في حياته لما قرر ياسس شركة انترنت في مصر بقيمة مليون جنيه سنة ٩٦ , المبلغ كان كبير وقتها ومكنش يمتلكوا، هيستثمروا في حاجة جديدة ملهاش انتشار وهينافس شركات كبيرة مملوكة لرجال اعمال خبرتهم في السوق بعمر خالد كله.

تخيل تاخد خطوة زي دي وانت خارج من تجربة مكنتش ناجحة، والأكثر من كدا ان فرص الفشل فيها اكتر من النجاح، لكن بشارة كان عنده رغبة كبيرة في النجاح والرغبة دي حطمت كل المعوقات،

واول عائق اتحطم هو التمويل لما قدر يجمع من اصدقائه ومعارفه مبلغ مليون جنيه بعد ماقنعهم بجدوي مشروعه وصارحهم بطبيعة المخاطرة يامكسب مهول يا خسارة كل راس المال.

فكرة مشروع خالد في بدايتها كانت قايمة علي انه يعمل موقع لحجز الفنادق زي موقع بوكينج، تخيلوا كان هيكون سابق في المجال دا بقد ايه؟ وهنا ظهر العائق التاني لما راح لمجلس الوزراء يطلب منهم استضافة موقعه واللي رفضوا وقالولوا احنا مش بنستضيف مواقع لكننا هنطرح رخص لشركات هتقدم خدامات الانترنت المختلفة فروحوا خدوا منهم هوست، وقتها الموضوع مكنش سهل في مصر زي دلوقت طبعا ، خالد لف علي كل الشركات اللي هتاخد رخصة الانترنت من مجلس الوزراء لكنهم متحمسوش للفكرة وماهتموش بيها.

خالد بشارة هنا اخد قرار مجنون شوية وقالك طلما شركات الانترنت مش هتدينا هوست لموقعنا يبقي مش قدامنا حل غير اننا نقدم علي رخصة انترنت ونستضيف احنا موقعنا بنفسنا ولما اخد رخصة الانترنت قرر انه مايعملش الموقع ويدخل في المنافسة مع شركات الانترنت.

خالد كان عارف ان منافسة رجال اعمال كبار في الوقت دا علي خدمة، الناس مش عندهم ثقافة التعامل بيها مش هتكون سهلة خالص ودا خلاه يقرر ان شركته لينك ايجيبت تقدم خدمة متكاملة مش بس انترنت وباقل تكلفة كمان وكانت شركته الوحيدة اللي في السوق اللي بتقدم سعات غير محدودة من الانترنت، كمان هو اللي بدا خدمة العملاء من خلال الكول سنتر علي مدار ٢٤ ساعة حتي قبل شركات المحمول ماتبداها، مش بس كدا كانت شركته بتبعت فني تركيب الخدمة في الشركات والفني دا كان بيدرب مسؤل او مدير الشركة علي التعامل مع الانترنت وازاي يقدر يبعت ميل،

باختصار بدا ينشر ثقافة التعامل بالانترنت مع عملائه، لغاية ما شركة لينك ايجيبت بقت اكبر شركة انترنت خاصة في مصر وفي المنطقة.

ويمكن اللي ساعد خالد علي التوسع بشركته علشان تكون اكبر شركة انترنت في مصر هو دخول المهندس نجيب ساويرس للاستثمار في الشركة بمبلغ 6 مليون جنيه في مقابل الحصول علي 54% من الشركة وفي 2001 اشتري ساويرس شركة ان تاتش اللي كانت بتنافس لينك ايجيبت ودمج الشركتين تحت اسم لينك دوت نت.

وفي 2014 استحوذت أوراسكوم تيلكوم علي لينك دوت نت بالكامل بمقابل 130 مليون دولار، تخيل كم النجاح اللي خلي شركة اتاسست بمليون جنيه تتباع ب ١٣٠ مليون دولار بعد ١٤ سنة من تاسيسها،

شركة لينك كانت مجرد محطة واحدة من محطات نجاح خالد بشارة يمكن تكون محطة مميزة لانها الاولي.

مصادر الحلقة
ويكيبيديا
https://ar.wikipedia.org/wiki/%D8%AE%...

https://en.wikipedia.org/wiki/Khaled_...

TEDX
   • The secret sauce: Khaled Bichara at TEDxCairo  
   • Illusion of stability | KHALED BICHARA | T...  

riseup
   • Quantifying The Quantum Leap | Khaled Bich...  

مصادر اخري
كتاب شهادة للتاريخ
   • رحيل خالد بشارة    بيل جيتس مصر  

لو متعرفش برنامج #فكرة_الصبح حابب اقولك انه برنامج خفيف بيقدملك افكار مهمة جدا هتساعدك في تغيير حياتك للافضل.
ومتنساش شعارنا "اليوم افضل من الامس وغدا سيكون الافضل"

تابعني علي انستجرام
  / fekraelsob7  
تابعني علي فيس بوك
  / fekraelsob7  
صباحك فل واشوفك الحلقة الجاية و #فكرة_الصبح