Khit Thit သတင်းဌာန၏ မေ ၁၆ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ မေ ၁၆ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ မေ ၁၆ ရက် ညနေပိုင်း တင်ဆက်ပေးမယ့် သတင်းတွေကတော့


-ကရင်နီပြည်နယ် မိုးဗြဲမြို့ကို အင်အား ရာဂဏန်းလောက်နဲ့ ဝင်ရောက်လာပြန်တဲ့ အကြမ်းဖက် စစ်ကောင်စီတပ် စစ်ကြောင်းကို တော်လှန်ရေးပူးပေါင်းတပ်တွေက ဝိုင်းဝန်းတိုက်ခိုက်ခြေမှုန်းရာမှာ စစ်ကောင်စီတပ်သား ၂၃ ဦးကတော့ အသီးသီးသေကုန်ကြပြန်တဲ့အပြင် အဲဒီစစ်သားတွေရဲ့ အလောင်း တွေပါ ရရှိထားရုံတင်မက နောက်ထပ် စစ်သား ၃ ဦးကိုပါ အရှင်ဖမ်းဆီးရမိထားပြီး စစ်သား ၁၆ ဦးကလည်း အလင်းဝင်ရောက်လာတယ်လို့ ပြည်သူ့ကာကွယ်ရေးတပ်မတော် PDF ဗျူဟာ အမှတ် ၁ ရဲ့ ပြောရေးဆိုခွင့်ရှိသူက ရန်ကုန်ခေတ်သစ်ကို ပြောပါတယ်။

ကရင်ပြည်နယ် ၊ ထိုင်း-မြန်မာနယ်စပ်အနီးက အကြမ်းဖက် စစ်ကောင်စီရဲ့ တပ်စခန်းတွေကို တစ်ခုပြီးတစ်ခု သိမ်းပိုက်လာနေတဲ့ KNLA ပူးပေါင်းတပ်တွေဟာ နောက်ထပ် ထိုင်းမြန်မာ နယ်စပ်က အကြမ်းဖက် စစ်ကောင်စီရဲ့မယ်လ တပ်စခန်းကိုပါ မေလ ၁၅ ရက်နေ့ဖြစ်တဲ့ မနေ့က ညပိုင်းမှာပဲ အပြီးသတ် သိမ်းပိုက်လိုက်ပြန်ပြီလို့ KNU သတင်းရင်းမြစ်က ရန်ကုန်ခေတ်သစ်ကို ပြောပါတယ်။

တနင်္သာရီတိုင်း၊ လောင်းလုံးမြို့နယ်၊ စမ်းလှမ်းကျေးရွာက အကြမ်းဖက် စစ်ကောင်စီဒေါက်တိုင် ပျူစောထီး ၆ ဦးကို တော်လှန်ရေးတပ်တွေက အရှင်ဖမ်းဆီးရမိထားပြီး မသက်ဆိုင်သူ ၁ ဦးကိုတော့ ပြန် လွှတ်ပေးလိုက်သလို NUG ရဲ့ ညွှန်ကြားချက်နဲ့အညီ ဆက်လက် ကိုင်တွယ်နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။