Lauga Aso Sa 07/07/2025 - Rev. Elder Nofoagafou Onesemo | EFKAS Alofisa O Le Atua

Tusi Faitau Aso EFKAS 2025


ANOANOA’I MA MANAOGA (ABUNDANCE AND WANT)
2. Oge (Scarcity)

Aso Sā – Iulai 6: “O le mauoa ma le tagata mativa”
Tusi Faitau – Faataoto 22:1-16 (The rich and the poor)

Matua – f. 9: “O lē ua mataalofa e faamanuiaina o ia; auā e foai atu e ia ana
mea e ‘ai i le ua mativa.”

O le a lau vaai ia te oe lava: o oe o se tagata mauoa po o se tagata mativa?
O le a se vaai a isi tagata ia te oe ona o lou tamaoaiga? O le tagata lava ia ma
lona fa’auigaina o le mativa ma le tamaoaiga. E le mafai e tupe ona fa’atauina
le fiafia. Auā afai e le lava le fa’asoa, atonu o le a avea ma ala e tupu ai le
popolevale ma le atoatoa ai le fiafia o le mafaufau. Ma, o le a mafai ona afaina
ai fo’i le soifua maloloina. O le lē lava o le fa’asoa, o se tasi lea o manatu autu
i a’oa’oga fa’atamaoaiga i nei ona po. Ua fa’amanatu mai e le tusi faitau, e oo
mai fa’amanuiaga pe a tatou fa’asoa atu mo i latou o lo o mana’omia (f.9).
O le aseta aupito i sili ona taua mo i tatou, “Ia sili atu le mana’o ia
ta’uleleia i le mana’o i le oloa e tele; ma le agalelei, ia sili le mana’o i lea, i lo
ario ma le auro (f.1).” O le lotomualalo e maua ai le tamaoaiga, mamalu, ma
le ola. Aua, “O le taui o le fa’amaulalo ma le mata’u i le Alii, o le oloa lea, ma
le viiga, ma le ola (f.4).” Aua nei viia i tatou e tagata, a ia maualuga se viiga o
le Atua i lo tatou ola. E le taufaigofie le tatou mafutaga vavalalata ma le Alii,
ae ua lava le alofa tunoa o lo tatou Atua, tatou te mauoa ai. Po o le a lava le
faigata o le le tagolima, ae o lou mana’o ina ia e ta’uleleia, agalelei atu, ma
fa’amaulalo, o le oloa moni lea, e maua ai le viiga o le Atua, ma le ola.