🔷OCAQDA BADIMCAN İKRASI

Salam, hər vaxtınız xeyir, əzizlərim.
🔷Ocaqda BADIMCAN İKRASI🔷
YOU TUBE KANALIMDA VİDEONU PAYLAŞDIM.
Baxa bilərsiniz. 👇🏻
🔷İlmusenin Bisirdikleri🔷

Lazım olan ərzaqlar:

🔷10 kq- badımcan təmizlənmişi
🔷Soğan- 3 kq
🔷Kök - 2 kq
🔷5 ədəd - acı istiot
🔷5-6 diş- sarımsaq
🔷1,5 litr- duru yağ
🔷Pomidor - 5 kq
🔷2,5 kq qırmızı+1,5 kq- yaşıl bibər
🔷1,5 dəstə - cəfəri
🔷Hazırlanması:
Badımcan, bibərlər, pomidorlar, uzun istiot ocağın üstündə bişiririk. Videoda gördüyünüz kimi. Bişdikdən sonra hərəsini ayrı qablara yığırıq. Üstünə qapaq qoyub 30 dəqiqə dinlədirik. Onda tərəvəzlərin qabığı çoox yumşalır, tez soyulur. O arada kökü, sarımsağı, soğanı , göyü təmizləyirik. Kökü ət maşınından keçiririk. Soğanı da , sarımsağı, cəfərini də ət maşınından keçirib ayrı-ayrı qablara əlavə edirik.
Badlmcanları qabıqdan soyub yığırıq aşsüzənə, suyu süzülür.
Pomidorun qabığını soyub, özəyini çıxardırıq, doğrayırıq.
Bibərləri, uzun istiotun da qabıqları , tumları təmizlənir. Sonra bu tərəvəzləri də ət maşınında çəkirik. İri dərin qazana duru yağ əlavə edib bir - bir tərəvəzləri ardıcıl olaraq qazana əlavə edirik. 2dolu x. q-duz əlavə edirik. Əslində ikra duzlu olmur. Amma az da olsa vurulmalıdı. Ağlz dadınıza görə duz istifadə edin. Ən axırda badımcanı əlavə edirik. Gördüyünüz kimi, mən ocaqda hazırladım. Nəzarət edirik, qazanın dibi tutmasın. Ocağı gur etmirik. Tez-tez qarışdırırıq. Bankaları yaxşı-yaxşı yuyuruq, sterilə edirik. Qapaqları qaynar suda 1 dəq. qaynadırıq. Badımcan yağa dönəndə bir-bir bankaları doldurub qapağını maşınla bağlayırıq.
🔷QAYNADILMIR.🔷
🔷Mən 700 qramlıq bankalardan istifadə etdim. Üstünü adyalla örtürük. 1 gündən sonra sərin yerə yığırıq.
🔷NOT: Əzizlərim,12 kq badımcan alın ki, 2 kq-ı qabığına, başına çıxır.
Bu reseptlə-13 banka çıxır.
#ilmuseninbildikleri #ilmusenin_bisirdikleri #ilmuseninbisirdikleri #ikra #badimcanikrasi