10 თვეში რეექსპორტზე $2.3 მლრდ-ის ავტომობილები გავიდა - რა ტენდენციებია ავტობაზარზე?
Автор: Business Media Georgia
Загружено: 2025-12-10
Просмотров: 72
უკვე ზედიზედ ორი თვეა, საქართველო ავტომობილების წმინდა ექსპორტიორია - ამის შესახებ თიბისი კაპიტალის ყოველთვიურ მაკროეკონომიკურ მიმოხილვაშია ნათქვამი. როგორც საინვესტიციო ბანკი აღნიშნავს, ოქტომბერში ავტომობილების იმპორტი 34%-ით იყო შემცირებული, რეექსპორტი კი 19.1%-ით გაიზარდა. თიბისი კაპიტალი აღნიშნავს, რომ ქვეყანაში ბოლო პერიოდში გაზრდილი მარაგის შემცირებისთანავე, მოსალოდნელია ავტომობილებით ვაჭრობის უარყოფითი ბალანსის აღდგენაც. რაც შეეხება 10 თვეს, იანვარ-ოქტომბერში საქართველოდან უცხოეთში რეკორდული, 2.3 მილიარდი დოლარის ღირებულების ავტომობილები გავიდა რეექსპორტზე, რაც წლიურად 14.3%-ით გაზრდილი მაჩვენებელია. 10 თვეში რეექსპორტზე სულ 93 ათასი ავტომობილი გავიდა. მთავარი საექსპორტო ბაზარი კვლავ ყირგიზეთია, სადაც მილიარდ 166 მილიონი დოლარის ღირებულების ავტომობილები გავიტანეთ, ზრდა ამ მიმართულებით 21%-ია. რაც შეეხება იმპორტს, 10 თვეში ჯამურად ავტომობილების იმპორტი 10%-ით იყო გაზრდილი და ამ პერიოდში საქართველოში სულ 3 მილიარდ 152 მილიონი დოლარის ღირებულების ავტომობილები შემოვიდა. როგორი იყო 2025 წელი ავტობაზრისთვის და როგორია მოლოდინები უკვე მომავალი წლისთვის?
სტუმარი: ალექსანდრე ვეკუა - Caucasus Auto Import-ის გაყიდვების დეპარტამენტის უფროსი
Доступные форматы для скачивания:
Скачать видео mp4
-
Информация по загрузке:
