Муваффақиятли кишиларнинг 8 ва 9 - одати

   / foydalifikr  
Улар қилган ишлари ва эришган натижалари ижобий ёки салбий бўлишидан қатъи назар тамомий жавобгарликни ўзларига оладилар. Бошқаларни айблашни бас қилинг, агар қовун туширган бўлсангиз буни тан олинг. Ҳайотингизда учраётган хато ва муаммоларга биринчи ўринда ўзингиз айбдорсиз. Албатта, мен ҳисобини ололмадим, эсимдан чиқибди, хато қилибман, айб менда дегандан кўра оилавий аҳволим яхши эмас, ўқишга киролмаганим учун шундай бўлди, солиқлар катта, бир иш қилиб бўлмайди ва шунга ўхшаш баҳоналар билан овуниш осонроқ. Лекин бу ҳолда сиз ҳеч қачон муваффақиятли ёки кучли инсон бўла олмайсиз. Айбни ташқаридан қидиришни бас қилинг ва биринчи ўринда хатони ўзингиздан қидиринг. Мусулмон киши муваффақият учун қўлидан келган барча сабабларни қилади ва қолганига Аллоҳга таваккал қилади. Ўхшаса Аллоҳга шукр қилади, ўхшамаса тақдир шу экан дейди ва сабр қилиб ҳаракат қилишда давом этади.

Кўп одамлар доим ўзларини авайлайдилар. Бир иш қилишса қўл учида, хўжа кўрсинга қиладилар. Ишдан эртароқ кетиш пайида бўладилар, бошларида назоратчи турсагина ишлайдилар. Аммо муваффақиятли инсонлар бу масалада ўзларини аямайдилар. Кечаси билан ишлаш керакми ишлайдилар, мақсадларига эришиш учун дам олиш кунлари ишлаш керакми, ишлайдилар.
Ўзингизни авайлашни бас қилинг. Сиздан бошлиғингиз, мижозларингиз ёки бошқалар ҳеч нарса талаб қилишмаса ҳам, ўзингиз талабчан бўлинг. Бир иш қилсангиз фикр билан, маромига етказиб қилинг. Қилаётган ишингизни устаси бўлинг. Доим ўзингиздан кўпроқ нарсани талаб қилинг. Шунда сиз ривожланасиз. Олимлардан бири «Кимнинг бугуни кечаги куни каби бўлса, у алдангандир ва кимнинг бугуни кечагисидан ёмон бўлса, у лаънатлангандир!» деган экан. Шундай экан сиз ҳар куни кичик бўлса ҳам ютуқларга эришишингиз, янги билимларга эга бўлишингиз, савоб ишлар қилишингиз, яхши одатларга ўрганиб ёмон одатларни ташлашда қадам қўйишингиз керак.
Агар шундай қилсангиз тез орада атрофдагилар сизни танимай қолишади. Катта ютуқларга эришганингизни кўриб қандай қилиб шу қисқа вақтда шунча нарсага улгурдинг деб ҳайрон бўлишади.

Илтимос бу видеоларни шунчаки кўрибгина қўймасдан ундаги фойдаларни, одатларни ўзингизга татбиқ қилишга ҳаракат қилинг.

Каналга обуна бўлинг, лайк босинг ва видеолар билан яқинларингиз билан улашинг. Ҳаммага рахмат