මහ වැස්සෙන් හැඩවූ පන්විල දිය ඇළි

මධ්‍යම කඳුකරයට ඇද හැලෙන අධික වැසි සමඟ මධ්‍යම කඳුකරයේ නකල්ස් ආශ්‍රිත දිය ඇළි රැසක් මේ වන විට සක්‍රීය තත්ත්වයට පත්ව තිබේ.
දුම්බර නකල්ස් රක්ෂිතයේ සිට ගලා බසින එම දිය ඇලි අලංකාර අයුරින් හැඩ වී ඇති අතර ඒ අතර වැඩිම දිය ඇලි ප්‍රමාණයක් පිහිටා ඇත්තේ පන්විල ප්‍රාදේශීය ලේකම් කොට්ඨාශය තුළ ය.
හුළුගඟ නගර මධ්‍යයෙන් ගලා බසින හුළු ගග දිය ඇල්ල මේ වන විට වඩාත් සක්‍රීය වී ඇති අතර නගරය ආසන්නයේ පිහිටා ඇති නිසාම එය නැරඹීම සඳහා සැලකිය යුතු පිරිසක් පැමිණේ.
ඹබරැල්ල, ගෝමරය යන ප්‍රදේශවල ද අලංකාර දිය ඇලි කිහිපයක් පිහිටා තිබේ.
ජෝඩු ඇල්ල ද මේ වන විට දියෙන් පිරී ගලා බසින අතර ගල් තලාවක් මතින් දිය ඇලි දෙකක් වශයෙන් ඇද හැලෙන නිසා ජෝඩු ඇල්ල වශයෙන් එය හැදිවේ. සුළග සමඟ මීදුම සාරියක සේලය මෙන් විහිදී යන නිසා සාරි ඇල්ල යනුවෙන් හදුන්වන දිය ඇල්ලද සක්‍රීය තත්ත්වයෙන් පවතී.
ගෝමරය ලෙබනන් ඇල්ල සහ හුළුගග තාලය වැටුණු ඇල්ල ද ජලයෙන් පිරී අලංකාර අයුරින් ගලා බසිනු දැකිය හැකිවේ.
පන්විල ප්‍රාදේශීය ලේකම් කොට්ඨාශයේ ඇති අලංකාර මෙම දිය ඇලි නැරඹීම සඳහා සංචාරකයන් පැමිණෙන බැවින් දිය පහර ඉහළ යාම සම්බන්ධයෙන් විමසිලිමත් වන ලෙස බලධාරීන් මහජනයාගෙන් ඉල්ලා සිටියි.

“Experience the stunning waterfalls of Sri Lanka’s Central Highlands, now in full flow after heavy rains. Explore Hulu Ganga, Jodu Ella, Sari Ella, and more – a scenic treat for nature lovers and tourists alike.”

දර්ශන - Around the Kandy YouTube Channel

#SriLanka #CentralHighlands #Waterfalls #Nature #ScenicViews #HuluGanga #JoduElla #SariElla #TourismSriLanka #TravelSriLanka