Аймақта күріш егу басталды

#qyzylordatv
Аймақта күріш егу жұмыстары басталды. Биыл егістік алқаптарда күріштің 30-дан астам сорты сыналмақ. Олардың қатарында Қытай, Түркия және Еуропа елдерінен әкелініп, алғаш рет жерсіндірілетін тұқым түрлері бар. Сондай-ақ Сыр салысын егуде агродронды қолдану мен көшеттеу әдісі де қолданылып жатыр. Шиелі ауданындағы «Дала күні - 2025» семинар-кеңесіне қатысқан облыс әкімі егін егу науқаны кезіндегі жұмыстарды пысықтап, еңбеккерлердің ұсыныс-пікірін тыңдады.

Алқапқа алғашқы дән себу жұмыстары ел ағаларының батасымен басталды. «Халықтың несібесі ортаймасын» деп тілек білдірген аға буын агросалада атқарылып жатқан тыңғылықты тірліктерді тыңдап, көрмені тамашалады. Биыл облыс бойынша 193,7 мың гектарға ауыл шаруашылығы дақылдарын орналастыру жоспарланып отыр. Негізгі дақыл күріштің көлемі 85,6 мың гектарды құрайды. Семинар кеңес тес жетістіктерді жіпке тізетін алаң емес. Сондықтан аймақ басшысы салаға қатысты сын-пікірлердің дер кезінде ескерілу қажеттігін айтты. Мәселен енді егіс көлемін артық еккен және тұтынған суға қарызын төлемеген шаруаларға су берілмейді.

«Бидайкөл» шаруа қожалығы былтыр мың гектарға жуық алқапқа күріш егіп, гектарына 50 центнерден алған. Ал биыл егіске алғаш рет агродронды қолданып тұқым себу жұмыстарын сынақтан өткізіп жатыр. Басты артықшылық тұқым мен тыңайтқышты егістікке дәл және біртегіс сеуіп, еңбек өнімділігін арттыруға мүмкіндік береді. Тағы бір жаңалық, 10 гектар аумаққа күрішті көшеттеп егу әдісін енгізген. Бұл су шығынын 20%-ға, дән себу нормасын 80%-ға үнемдеуге және өнімділікті жоғарылатуға сеп болмақ.

ТАЛҒАТ БАЙДАЛИЕВ – «БИДАЙКӨЛ» ШҚ ТӨРАҒАСЫ
//Өнімді жақсарту бағытында жаңа техникаларды әкеліп, дрондар әкеліп, көшеттеп егетін тракторлар әкеліп, дамыған елдердің жақсы технологияларын алып, өз ыңғайымызға пайдалану мүмкіндігін сынап жатырмыз. Дрон Бізде самалет, дельтаплан пайдаланамыз ғой. дәлдігі өте қиын, олар биіктен ұшады. Себілген дәрілер аудаа ұшып кетеді. Ал дрондар 2-+3 метр биіктікте себілген дәрінің ысырабы болмайды. Әсері жоғары болады.//

Биыл аймақтағы шаруашылықтарда 30-дан аса жаңа сорт сынақтан өтіп, нәтижесі зерттелмек. Ол үшін Еуропадан, Түркия мен Қытайдан бірнеше сорт әкелініпті.

ТАЛҒАТ ДҮЙСЕБАЕВ – ОБЛЫСТЫҚ АУЫЛ ШАРУАШЫЛЫҒЫ ЖӘНЕ ЖЕР ҚАТЫНАСТАРЫ БАСҚАРМАСЫНЫҢ БАСШЫСЫ
//Лазерлік тегістегіш облыс бойынша соңғы жылдары шаруашылықтар жақсы алып жатыр. Өйткені көздері жетті. Қазір 200-длен астам лазерлік тегістеуіштер бар. Биыл 60 мың гектар жерге лазерлік тегістеу жұмыстары жүргізіледі. Қытайлық әріптестермен келісімге келіп, 6 сортты кішкентай көлемде сынақтан өткіземіз. Дәл сондай біз Европадан да, Түркиядан да сондай сорттар алып снып, қайсысы тиімді болады келешекте сол сорттарды енгізетін боламыз //

Көктемгі егіске облыс бойынша 22,2 мың тонна тұқым дайындалса, қажетті тыңайтқыштармен қамту бағытында тиісті келісімдер тиянақталған. Ауыспалы егістіктерде су үнемдеудің ең тиімді жолы – жерді лазерлік тегістеу. Биыл шаруашылық құрылымдары тегістелген жер көлемін 60 мың гектарға жеткізуді жоспарлап отыр. «Дәлдікпен тегістелген алқапта өнімділік жоғарылап, су шығыны едәуір үнемделеді»,- дейді мамандар.

Сайт - https://qyzylordatv.kz/ru/live
Facebook -   / qyzylordatv  
Instagram -   / qyzylordatv  
Telegram - https://t.me/qyzylorda_tv
Tiktok -  / qyzylorda_tv