Күріш тапшылығы бола ма?

Елімізді 90 пайыз күрішпен қамтып отырған Қызылорда облысында тіршілік нәрінің тапшылығынан диқандардың еккен егіні күнге күйіп, қурап жатыр. Тіпті кейбір қожалықтардағы 100-150 гектар алқаптағы өнім құрғақшылықтан өспей қалған. Ал шаруалар биыл шығынға шаш етектен батып жатырмыз деп дабыл қағады. Енді жоспарланған өнімді алуымыз да екі талай дейді қожалық иелері. Сөйте тұра, ауылшаруашылық министрлігінің өкілдері елімізде биыл күріштен тапшылық болмайды деп сенімді.
Қармақшы ауданының қожалықтары егінді суара алмай әбігерге түсіп жатыр. Диқандардың айтуынша, алқаптарына жеткілікті судың ақысын әу баста төлеп қойған. Бірақ су шаруашылығы мекемесіндегілер тиісті тіршілік нәрін бермей, тарықтырып отыр деп ашуланады. Соның кесірінен шілденің шіліңгір ыстығында еккен егініміз қурап бітетін болды дейді.
ТӨЛЕУ ЕРӘЛИЕВ, шаруа қожалығының бас агрономы:
— 100 гектардың үстінде жеріміз 25 атыздай жерде су қазір құрғап қалды. Күнде кезектестіріп жатырмыз. Оған болмай жатыр. Алды күйіп бастады. Су болмаса жаңағы жерлердің бәрі өнім бермей қалады.
Қожалық иелері құрғақшылық қолдан жасалып жатыр деген пікірде. Айтуларынша, диқандар жауаптылардың жүйесіз жұмысының кесірінен тиісті су көлеміне қол жеткізе алмай отыр.
ЕРКІН БЕКЖАНОВ, шаруа қожалығының төрағасы:
— Барлық жерде өтірік ақпар. Қазсушар мекемесі жұмыс істемейді. Ауыспалы егіс жүйесі сақталмаған. Размещениеде жоқ жерлерге су берумен айналысып келе жатыр.
Айта кетейік, елімізде биыл шамамен 100 мың гектар жерге күріш егілген. Ал оның 88 мың гектары Қызылорда облысына тиесілі. Яғни ішкі нарықты түгелдей дерлік күрішпен қамтып отырған өңірдің диқандары биыл өнім аз болуы мүмкін деп дабыл қағып отыр. Десе де, жауапты министрліктің жоспары бөлек екен. Олар елде күріш дефицитінің болмайтынына сенімді.
ДАМИР АСПАН, ҚР ауыл шаруашылығы министрлігінің баспасөз хатшысы:
— Былтырмен салыстырғанда күріш алқаптарының өскендігіне қарағанда сол шамада күрішке қатысты ешқандай дефицит болмайды деген сенімдеміз. Диқандардың арқасында елімізді қазіргі уақытта 100-150 пайыз өз-өзімізді қамтамасыз етіп отырмыз.
Ал су шаруашылығының мамандары Сырдария өзенінен келетін судың көлемі аз дейді. Айтуларынша алқаптардың құрғап қалуына тағы бір себеп - облыста жоспарланған аумақтан көп егін егілген. Сондықтан алдағы уақытта тіршілік нәрін көп қажет ететін күрішті азайту керек деп есептейді.
ЖАРАБЕК ЕРНАЗАРОВ, "Қазсушар" РМК Қызылорда филиалы директорының орынбасары:
— Күріштің бағасы үлкен екен деп күріш еге беретін болсақ, ертең біз жерді құртамыз. Біз баста 80-85-тің шамасында ғана егу керек деп айтқанбыз. Бірақ қазір 88 мың 100 гектардай күріш егіліп жатыр.
Сондай-ақ, мамандар трансшекаралық өзен арқылы алдағы уақытта Қазақстанға қанша көлемде су келуі мүмкін екенін де болжай алмай отыр. Айтуларынша төрт мемлекеттен өтетін Сырдария өзені жайлы көрші елдерден ақпарат алу қиын. Ал облыстың диқандары әсіресе осы жылы тіршілік нәрінің тапшылық көріп отыр. Мәселен жаз басында Жаңақорған ауданында да егіс даласына су жетпей, себілген дән құстарға жем болған еді.
.
.
.
.
Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал