ASIMULIA MWANAE ALIVYONG'ATWA NA NYOKA KITANDANI HADI KUFARIKI "ULIMI ULIBADILIKA RANGI".

Mwanafunzi wa darasa la nne shule ya Msingi Maweni kata ya Terati Jijini Arusha Rashidi Ismail (11), amefariki dunia baada ya kung’atwa mkono na nyoka aina ya Cobra alipokuwa amelala kwenye kitanda kimoja na watoto wenzake watatu pamoja na wazazi wake wawili Jijini humo.

Inaelezwa kuwa usiku wa saa sita Rashidi alishtuka usingizini na alisikika akisema ameng’atwa na kitu asichokijua akionesha mkono wake sehemu alipong’atwa, baada ya muda ulimi wake ulianza kuwa mzito na kuanza kubadilika rangi na kuwa mweusi huku akiomba maji, na alipopatiwa maji alianza kutapika matapishi yaliyo ambatana na mapovu, mwili nao ukionekana kukosa nguvu kadri muda ulivyokuwa unaenda.

Familia ikiwa katika mshangao usiku huo ililazimika kupiga kelele za kuomba msaada, na watu walijitokeza na kuamua kumpeleka Rashidi katika hosptali ya Murieti Jijini humo kwa ajili kuchunguzwa na walipofika hosptalini hapo Rashidi alikuwa tayari ameshapoteza maisha, baada ya mwili wa Rashidi kufanyiwa vipimo usiku huo familia iliambiwa kifo chake kimetokana na kung’atwa na nyoka.

Hata hivyo familia hiyo waliporudi nyumbani kumtafuta nyoka huyo walimkuta amejiviringishia kwenye blangeti walilokuwa wamejifunikia. #GADITVUPDATES

GADI TV ndiyo Channel pekee inayokuwezesha kupata Habari za Kisiasa, Michezo, Kijamii, na Burudani kutoka Ndani na Nje ya Tanzania. Kwa huduma ya Matangazo au Habari pamoja na maoni na ushauri usisite kuwasiliana nasi kupitia namba za simu +255 769 780 063 au e-mail: [email protected]

Don't forget to SUBSCRIBE, LIKE, COMMENT and SHARE!!! # GADI TV
Thanks.