Ujenzi Wa Banda La Kisasa La Kuku Chotara, Kuroiler na Sasso

Ujenzi wa banda bora na la kisasa la kuku chotara

Banda ni chumba au jengo lilojengwa maalumu kwaajili ya kuhifadhi mifugo mfano kuku, bata, sungura na kanga. Ili banda liwe bora linatakiwa kukidhi mahitaji ya kuku wako na liendane na idadi ya kuku watakaoishi kwenye chumba hicho.

Banda likiwa bora litasaidia kupunguza changamoto mbalimbali ikiwemo magonjwa

▪︎Lijengwe sehemu isoyotuama maji

▪︎Likinzane na uelekeo wa upepo na mvua (urefu wa banda uelekee mashariki na magharibi)

▪︎Liruhusu mzunguko wa hewa

▪︎Liwakinge kuku wako dhidi ya baridi

▪︎Liwe na vichja kwaajili ya kupumzika, kufanya mazoezi na kulala, pia Liwe na viota vya kutagia ambavyo huwekwa kuku wakifikisha miezi 3

▪︎Liwe rahisi kusafishika

▪︎Liendane na idadi ya kuku bandani

▪︎Liruhusu mwanga wa kutosha


Ukishindwa kujenga banda linaloendana na idadi ya kuku watakaoishi utajisababishia changamoto za magonjwa, kuku kudonoana na kula mayai.

Kila aina ya kuku anahitaji nafasi yake ili aweze kuishi akiwa huru kwa kuku wa chotara, 1m² wanakaa kuku 4-5.

Ili uweze kujua unahitaji kujenga banda la ukubwa gani, unatakiwa kuchukua idadi ya kuku unaotaka kufuga ugawie na idadi ya kuku kwenye 1m².

Mfano unataka kujenga banda la kuku wa chotara 100, unachukua 100÷4 = 25m². Sasa hii 25m² ndio ukubwa wa banda, urefu ni 6m na upana ni 5m, hapo utapata na nafasi ya ziada kwaajili ya viota na vifaa vya maji na chakula.

Ukizingatia vipimo utapunguza changamoto. Kuku wanahitaji sehemu ya kutosha ili aweze kuwa huru na kufanya mazoezi ya kutosha.