نظام الكيتو

نظام الكيتو
الاول خلينا عارفين ان الجسم بيعتمد على الكارب ك مصدر للطاقه ، يعنى لما بتاكل اى حاجه فيها نشويات .
الجسم بيستخدم جزء يحوله جلوكوز عشان الجسم يستخدمه كمصدر للطاقه و جزء تانى الجسم بيخزنه فالكبد و العضلات على هيئه جلايكوجين.
فالكيتو بقى بنقسم سعرات الاكل بتاعنا كالاتى
٧٥% دهون
و ٢٠% بروتين
و ٥% بس كارب
معنى كدا ان الحاجه اللى الجسم محتاجها عشان يطلع منها طاقه بنديله منها ٥ % بس بعنى بنقللها جدا .
نفرض انك قررت خلاص تبدأ فى نظام الكيتو جيت انت اول يوم رحت مقلل كارب خالص الجسم هيعمل ايه طبعا الجسم مش هيبدا يستخدم الدهون الاول من اول يوم .
هيكسر من الجلايكوجين اللي موجود عنده فالمخازن ولو انت عملت اي مجهود عملت هيكسر كمان من اللي موجود في العضلات عشان يديك طاقه.
تانى يوم تحصل نفس العمليه الجسم يستخدم اللي موجود عنده فالمخازن عشان انت مدخلتش كارب
يوم ورا التانى المخازن دى طبعا بتقل ، وعندى حاجتين مهمين جدا فالجسم مش بيعرفو يأكسدو الدهون عشان ياخدو منها كاقه ، المخ و كرات الدم الحمرا.
وعشان كدا الكبد هيفضل محافظ على ١٠% من المخزون اللى عنده لخدمه الدماغ .
هنا الجسم ببدأ ينتج اجسام كيتونيه .
عشان كدا هو اسمه نظام الكيتو ، لان الحسم بيزود انتاجها عشان يقدر يعتمد على الدهون كمصدر للطاقه.
#تغذية_سليمة #عبدالله_الشريف #تخسيس #تغذية_علاجية #الضغط #مرضى_الضغط #تخسيس_الارداف #تخسيس_البطن_وازالة_الكرش #تخسيس_الجسم #صحة#بشرة_صافية # #كرش #نضاره_البشره #نضارة_الوجه #مرطب