Acika. Kababların yanında yeməyə dadlı Acika resepti. 😋😋😋

Salam Dəyərli izləyicilər. Çox sadə bir acika resepti. Sizdə öz evinizdə hazırlayın dadına baxa bilərsiniz. Nuş olsun. Xoş izləmələr. Sevgi və hörmətlə Eyvaz's Kitchen.
İnqdidiyentlər:
Tomat və ya Salça( bibər salçası) - 1 dolu yemək qaşığı
Su - (tam qramaj olaraq yaza bilməyəcəm) - yəni az az əlavə edərək və tomatı bir qaşıq vasitəsilə qarışdıraraq
və tam açılana qədər( yəni sulu tomat olana qədər su əlavə Edib qarışdırırıq)
Duru yağ - 1 yemək qaşığı kifayət edər
Göyərti:
Göy sarımsaq - 1 dəstə
Şüyüd - 1 dəstə
Dağ keşnişi - 1 dəstə
Cəfəri - 1 dəstə
Ədviyyatlar:
Qara istiot
Qırmızı pul bibər
Duz
Hazırlanması:
Videoda göründüyü kimi tomatın üzərinə sadə su əlavə edərək, tomatı açırıq və üzərinə 1 qaşıq yağ əlavə edərək ocağın üzərinə qoyuruq. Tomatın üzərinə əlavə edilən su tomatdan asılıdır. Ona görə sizlərdə suyu az-az vurun ki, həm tomatı rahat aça biləsiniz, həmdə biraz sulu olana qədər su əlavə edərək qarışdıra bilərsiniz. Sonra suyu çəkilənə kimi bişiririk. Ama bu qarışımın suyu tam çəkilmir biraz kıvamlı qalır. Nə çox sulu qalsın, nə də çox quru. Orta kıvamda. Ama birdəki ocağdan götürməmişdən əvvəl bu qarışımı iyləyin ki, çiy tomat iyi qalmasın əks təqdirdə, acikanız xoşa gəlməyən ola bilər. Sonra Bu qarışımı ocağın üzərindən götürüb kənara qoyuruq. Və soyumasını gözləyirik. Mən finalın tomatından istifadə etmişdim. Dadı yaxşı idi. Soyuduqdan sonra doğradığımız göyərtiləri bu qarışımın içinə əlavə edirik. Və bir söz deyim. Göyərtinin miqdarı istəyə görədir. Göy sarımsaq xoşladığım üçün demək olarki, bir dəstənin hamısını doğrayıb əlavə etdim. Ama siz göy sarımsaq istəmirsinizsə 1 və ya 2 diş (istəyə baglıdı) quru sarımsaq xırda-xırda doğrayıb ələvə edə bilərsiniz. Cəfəri və dağ keşnişi'də həmçinin. Hamsını doğrayıb əlavə etdim. Birdənə şüyüd'ü az vurdum. Yəni bir dəstənin hamısını vurmadım. İstəyinizə uyğun hazırlaya bilərsiniz. Hansını istəsəniz azalda və artıra biləsiz. Doğranmış hazır göyərtiləri də əlavə edəndə çalışın az-az əlavə edərək qarışdırın ki, acikamız çox qatı olmasın. Yenə istəyə bağlıdır. Qatı acika sevən hamısını əlavə edə bilər. Lakin sulu acika sevənlər göyərtini az-az əlavə edərək kıvamını tuta bilərsiniz.
Ədviyyatlar da yenə zövq məsələsidi. Mən pul bibər, qara istiot və duzdan istifadə etdim. İlk öncə duzun miqdarını tutmaq üçün az-az əlavə edərək qarışdırdım. Sizlərdə az-az əlavə edərək və dadına baxaraq duzun miqdarını artırarsınız. Acika biraz duz tələb edən məzədir. Ona görə sizlərdə az duzlu sevənlər az duzlu, çox duzlu sevənlər də dadına baxa baxa duz əlavə edib hazırlaya bilərsiniz. Qara istiot və Pul bibər. Bu iki ədviyyatıda öz sağlamlığınızı nəzərə alaraq acika'ya əlavə edin. Acını çox sevənlər çox qata bilər ama yenə deyirəm dadına baxaraq əlavə edə bilərsiniz. Əks təqdirdə acikanız çox duzlu, və çox acılı olacaq.
Qeyd: əgər qış aylarında isəniz, tomatı bişirin bu üsulla. Lakin yay aylarında isəniz bişirməyin. Əks təqdirdə tomatınız tez bir zamanda qıcqıra və xarab ola bilər. Əgər yay aylarında isəniz tomatın üzərinə əlavə edəcəyiniz suya diqqət edin, yəni suyu çox vurub acikanı sulu etməyin. Suyu o qədər vurunki, tomatınız kıvamlı olsun. Bu qədər, fərq yalnız bişirmək və suyun miqdarındadır. Nuş olsun. Oxudugunuz və izlədiyiniz üçün minnətdaram.