رايس المهدي بن مبارك - ⵙⵉⴷⵉ ⵚⴱⴰⵃ ⵍⵅⵉⵔ / ⵣⴰⵣ سيدي صباح لخير ؤرباح / زاز( ئواليون amarg aqbor & lyrics

#amarg_s_tirra_tamazight #tifinagh_alphabet_song رايس المهدي بن مبارك - ⵙⵉⴷⵉ ⵚⴱⴰⵃ ⵍⵅⵉⵔ / ⵣⴰⵣ سيدي صباح لخير ؤرباح / زاز( ئواليون amarg aqbor & lyrics
ⵙⵉⴷⵉ ⵚⴱⴰⵍ ⵍⵅⵉⵔ ⵓⵔⴱⴰⵃ
ⴱⵉⵙⵎⵉ ⵍⵍⴰⵀ ⴰⵔⴰ ⴰⵍⵄⴰⵇⵍ ⵉⵏⵓ ⴼⴰⵜ ⵉⵢⵢⵉⴷ
ⴰⵡⴰⵍ ⵖ ⵓⵔ ⵉⵍⵍⵉ ⴷⵏⴱ ⵡⴰⵍⴰ ⴳⵉⵙⵏ ⵍⴽⴷⵓⴱ
ⵍⵄⴰⵇⵍ ⴰⵙ ⴰⵜⵜⵏⴹⴰⵎⵖ ⴰⵡⴰⵍ ⴰⵔ ⵏⵜⵜⵎⵏⵉⴷ
ⴰⵡⴰⵍ ⵖ ⵓⵔ ⵍⵍⵉⵏ ⵉⵔⴽⴰⵏ ⵓⴽⴰⵏ ⵏⴻⵏⵏⴰ ⵜⵉⴷ
ⵡⴰⵅⴰ ⵉⴳⴰⵡⵔ ⴱⴰⴱⴰⴽ ⴷ ⵉⵎⵎⴰⴽ ⴰⵔ ⵉⵙⵙⴼⵍⵉⴷ
ⵓⵔⴰⴽⴽ ⴳⵉⵙ ⵍⵄⵉⴱ ⵉⵖ ⵙⵍⵍⴰⵏ ⵉ ⵡⴰⵡⴰⵍ ⴰⴷ
ⵏⴹⴰⵍⴱ ⵉ ⵔⴱⴱⵉ ⴰ ⵍⴰⵃⴱⴰⴱ ⴰⴼⵍⵍⴰⵖ ⵉⵜⵓⴱ
ⵉⵊⵓⴷ ⴼⵍⵍⴰⵖ ⵉⵙⴰⵎⵃ ⵉⵢⵢⵉ ⵖ ⵉⵏⵏⴰ ⵖ ⵏⴷⵏⴱ
ⴰⵢⴰⵏⵖ ⵓⵔ ⵉⴳ ⵔⴱⴱⵉ ⵖ ⵢⴰ ⵉⵄⵚⴰⵏ ⵍⵡⴰⵃⵉⴷ
ⵓⵍⴰ ⵢⴰ ⵉⵄⵚⴰⵏ ⵉ ⵏⵏⴻⴱⵉ ⵔⵣⵉⵏ ⵍⵃⵓⴷⵓⴷ
ⵓⵍⴰ ⵉⵙⵎⵓⵏ ⵉⵢⵢⵉ ⴷⵉⵙ ⵡⴰⵅⵅⴰⵜ ⵓⵔ ⵏⵅⴰⵍⵉⴹ
ⴰⵃⵃⵉⵏⵜ ⴰⵢⵎⵎⵉ ⵜⴰⵃⵏⵉⵏⵉⵜ ⵎⴰⵜⵜⴰ ⵖⵉⴽⴰⴷ
ⵏⵀⵉⵍ ⵀⵍⵍⵉ ⵖ ⵍⵀⵓⴼⵉⵢⴰⵜ ⴰⵣⴰⵍ ⵖⵉⵢⵢⵉⴹ
ⴰⴳⵯⵉⵏ ⵍⵃⵓⵔⵓⵔ ⵍⵍⵉ ⵏⵉⵜ ⵉⴳⴰⵏ ⵍⴼⵔⴹ
ⵄⵍⴰ ⵙⵍⴰⵎⵜⴽ ⵉⵏⵉ ⵚⴱⴰⵃ ⵉⵖ ⵉⵍⵍⴰ ⵍⵃⵙⴰⴱ
ⵉⴱⵉⴷⴷ ⵍⵎⵉⵣⴰⵏ ⵓⵔ ⵙⵓⵍ ⵇⴰⵎⴰ ⵍⴽⴷⵓⴱ
ⴰ ⵢⴰⵔⴳⴰⵣ ⵏⴽⴽⵉⵏ ⵓⵔⵜⴰ ⵜⵏ ⴳⵉⵖ ⴰⵍⵃⴱⴰⴱ
ⴰⵢⴰⵔⴳⴰⵣ ⴰⵜⵜ ⵉⴳⴰⵏ ⴷ ⵙⵉⴷⵉ ⵔⴰⵙⵓⵍ ⵓⵍⵍⴰⵀ
ⵏⵜⵜⴰ ⴰⵢⵔⴰ ⴳⵉⵖ ⵉⵛⴰⴼⵄ ⴰⵙⵙ ⴰⵏⵏ ⵉⵍⵍⴰ ⵍⵃⵙⴰⴱ
ⵅⵎⵙⵉⵏ ⵄⴰⵎ ⵟⵍⴱⴰ ⵏⵏⴰⵏ ⵉⵍⵍⴰ ⵖ ⵍⴽⵓⵜⵓⴱ
ⴰⵔ ⴰⵏⴱⵉⴷⴷ ⵖ ⵜⴰⴼⵓⴽⵜ ⴰⵔ ⵉⵖ ⵉⵍⵍⴰ ⵍⵃⵙⴰⴱ
ⵡⴰⵏⵏⴰ ⵉⵔⴰ ⵔⴱⴱⵉ ⵙ ⵔⵃⵎⵜ ⵏⵙ ⵉⴳ ⵓⵙⵙⴰⵄⵉⴷ
ⵎⵇⵇⴰⵔ ⵜⵍⵍⴰ ⵜⴰⴼⵓⴽⵜ ⵓⵔⴰ ⴳⵉⵙⵏⵜ ⵉⴱⵉⴷⴷ
ⵉⴳⴰⵙⵏ ⵔⴱⴱⵉ ⵜⵓⵣⵣⵓⵎⵜ ⵍⵄⵉⴱⴰⴷ ⵍⵃⵉⵊⴰⴱ
ⴰⴹⵓⵖⴷ ⵉⵍⵎⵎⴰ ⵙ ⵍⵅⴱⴰⵔ ⴰⴷ ⵏⵏⵓⵏ ⴰ ⵣⵣⴰⵣ
ⵉⵏⵉⵜ ⵏⵉⵍ ⵓⵎⵉⵍ ⴰⵢⵖ ⵉⴼⴼⵓⵖ ⴰⵔ ⵉⵜⵜⵏⵣⵣⴰⵀ
ⵉⴳⵉⴷ ⵔⵣⵣⴰ ⴼ ⵉⵅⴼ ⵏⵙ ⵉⵏⵏⴰ ⴳⵉⵖ ⵣⵣⴰⵣ
ⴰ ⴱⵉⵙⵎⵉ ⵍⵍⴰⵀ ⴰⵔⴰ ⴰⵢⵎⵉⵏⵓ ⵍⵓⵃ ⴰⵜ ⵉⵎⵓⵔⵉⴳ
ⴰⴹⵓⵖⴷ ⵉⵍⵎⵎⴰ ⵙ ⵍⵅⴱⴰⵔⴰⵜ ⵏⵏⵓⵏ ⴰ ⵣⵣⴰⵣ
ⵉⵏⵉ ⵜⵍⵉⵏⵡⵉⵍⴰ ⵉⵖ ⵉⴼⴼⵓⵖ ⴰⵔ ⵉⵜⵜⵏⵣⵣⴰⵀ
ⵉⴳⵉⴷ ⵔⵣⵣⴰ ⴼ ⵉⵅⴼ ⵏⵙ ⵉⵏⵏⴰ ⴳⵉⵖ ⵣⵣⴰⵣ
ⵉⵜⵜⵓ ⵍⴼⵔⴹ ⵉⵜⵜⵓ ⵙⵙⵓⵏⵜ ⵉⵏⵏⴰ ⵢⴰⴽ ⵉⴳⴰ ⵣⵣⴰⵣ
ⵉⵜⵜⵉ ⵣⵣⴽⴰ ⵏⵜⵜⴰ ⴷ ⵍⵄⵛⵓⵔ ⵉⵏⵏⴰ ⴳⵉⵖ ⵣⵣⴰⵣ
ⵉⴹⵉⵢⵄ ⵍⵃⴰⵇⵇ ⵓⵡⴰⴷⵊⴰⵔ ⵉⵏⵏⴰ ⴳⵉⵖ ⵣⵣⴰⵣ
ⴰⵙⵉⵏⴷ ⴰⴽⵓⵔⴰⵢ ⴰⵔ ⵙⵔⵙ ⵉⴽⴽⴰⵜ ⵍⵡⴰⵍⵉⴷ
ⵔⵥⵉⵏ ⵉⵖⵓⵎⵔⴰⵏ ⵉ ⵎⴰⵙ ⵉⵏⵏⴰ ⴳⵉⵖ ⵣⴰⵣ
ⵉⵡⴰ ⴰⴷⵊⴰⵜⵜ ⵓⴽⴰⵏ ⴰⵔ ⴷⴰⵙ ⵉⴽⴽⵎⵍ ⵍⵃⵙⴰⴱ
ⵉⴷⴷⵓ ⵙ ⵜⵉⵍⵍⴰⵙ ⵓⵡⴰⴽⴰⵍ ⵉⵍⵉⵃ ⴰⵙ ⵣⴰⵣ
ⴰ ⵔⴰⵔⵏⵏ ⴼⵍⵍⴰⵙ ⴰⵣⵔⵓ ⴷ ⵉⴼⵔⵉⴳ ⴰⵏⵏ ⵣⴰⵣ
ⵀⴰ ⵙⵉⴷⵏⴰ ⵄⵣⵔⴰⵢⵏ ⵢⵉⵡⵉⵏⵏ ⵢⴰⵏ ⵓⵄⵎⵓⴷ ⵏ ⵣⴰⵣ
ⵉⵖ ⴰⵡⵏ ⵉⵏⵏⴰ ⴰⵔⴰ ⵎⴰⵙ ⵜⵓⵎⵏⵜ ⵉⵏⴰⵙ ⵣⴰⵣ
ⵉⵔⴰⴽⴽ ⵉⵙⵔⵡⴰⵜ ⴰⵔ ⴽⵉⵖ ⴰⴽ ⵉⵜⵍⴼ ⵣⴰⵣ
ⵓⵍⴰ ⴱⵓⵜⵣⴷⴰⵣ ⴰⵔ ⵉⵜⵜⵉⵏⵉ ⴱⵓⵜⴰⴳⴰⵣ
ⵖⴰⵏⵏ ⴰⵢⴳⴰⵏ ⵍⵊⴰⵣⴰⵏⴽ ⴰ ⵢⴰⵏ ⵉⵔⴰⵏ ⵣⴰⵣ
ⵉⵜⵜⵓ ⵍⴼⵔⴹ ⵉⵜⵜⵓ ⵙⵙⵓⵏⵜ ⵓⴽⴰⵏ ⴰⵔ ⴰⵜⵜⵍⵄⴰⴱ
ⵓⵔ ⵉⵙⵙⵏ ⵉⵙ ⴰⵖ ⵉⵅⵍⵇ ⵎⵓⵍⴰⵏⴰ ⴰⵜⵜ ⵏⵜⵜⵄⴱⴰⴷ
ⵓⵔ ⴰⵏⵖ ⵉⵏⵏⵉ ⵙⴰⵍⴰⵜ ⵖⵉⴽⴰ ⵡⴰⵍⴰ ⵖⵉⴽⴰⴷ
ⵎⵏⴷⵓⵏ ⵜⴰⵣⴰⵍⵍⵉⵟ ⴷ ⵔⵎⴹⴰⵏ ⵏⵇⵉⵎ ⵍⵃⵓⴷⵓⴷ
ⵉⵡⴰ ⵍⵊⵉⵍ ⵏⵏⵓⵏ ⴰⵔⵜⵏ ⵜⵜⵃⵙⴰⵏⵎ ⵍⵉⵍⵍⴰⵀ
ⵢⵓⵙⵙⴰⵢⵖ ⵔⴱⴱⵉ ⴼ ⵍⵡⴰⵍⵉⴷⴰⵢⵏ ⵓⵔ ⵉⴳⵉ ⵍⴽⴷⵓⴱ
ⵢⴰⵏ ⴰⵏⵖ ⵉⵏⵏⴰⵏ ⵓⵀⵓ ⴼⵜⵓⵏ ⵥⵔⵉⵏ ⵍⴽⵓⵜⵓⴱ
ⴰ ⴽⵓⵍⵛⵉ ⵉⵍⵍⴰ ⵖ ⵍⵇⵔⴰⵏ ⵓⵔ ⵉⴳⵉ ⵍⴽⴷⵓⴱ
ⴰ ⵢⴰⵏ ⵢⵓⵜⵏ ⴱⴰⴱⴰⵙ ⵡⴰⵍⴰ ⴱⵓⴷⴷ ⵍⵄⴷⴰⴱ
ⵢⴰⵏ ⵉⵟⵟⵣⵉⵏ ⴷ ⵎⴰⵙ ⴰⵔⵜⵏ ⵉⵜⵜⵏⵄⴰⵍ ⵍⵡⴰⵃⵉⴷ
ⵍⵄⵏⵏⵜ ⵍⵎⵓⵍⵓⴽ ⵉⵙ ⵉⴼⴼⵓⵖ ⵍⵎⴰⴷⴰⵀⵉⴱ
ⵓⵔ ⵜⵣⵔⵉ ⵛⴰⵀⴰⴷⴰⵏⵙ ⵉⴳⴰ ⵖⴰⵔ ⵍⴽⴷⴷⴰⴱ
ⵡⴰⵏⵏⴰ ⵉⵔⴰ ⵔⴱⴱⵉ ⵙ ⵍⵀⵏⴰ ⵉⴼⴰⵙⵏ ⵍⴰⴷⴰⴱ
ⴰⵢⴰⴷⵏ ⵍⵡⴰⵍⵉⴷⴰⵢⵏ ⴰⴷ ⵓⵔ ⵉⵜⵜⴰⵡⵉ ⴷⴷⵏⴱ
ⴽⵓⵍⵍⵓ ⵎⴰⵖ ⴳⵉⵡⵓⵔⵏ ⴰⵔ ⵙⴽⴰⵔⵏ ⵛⵓⵀⵓⴷ
ⴰⵣⴰⵢⴷ ⴰⵢⵡⵉⵜⵏⵖ ⵀⴰⵢⵢⴰⵖ ⵏⴼⴽⴰⴽ ⵍⴳⵓⴷ
ⵏⴳⴰⴽ ⵜⵉⵙⵙⵓⵔⴰ ⵖ ⵍⵇⴼⵓⵍ ⵏⴳⴰⴽ ⵍⵃⵉⵊⴰⴱ
08.10.2023

تيغري س ؤسّفلد د ئزري غ ؤماركَ ئدّرن
رايس المهدي بن مبارك
سيدي صباح الخير ؤرباح / زاز
سيدي صباح الخير ؤرباح
بسم الله ارا لعاقل ئنو فات ئييد
اوال غ ؤر ئلي دنب والا كيسن لكدوب
لعاقل اس اتنضامغ اوال ار نتمنيد
اوال غ ؤر لين ئركان ؤكان ننا تيد
واخا ئكاور باباك د ئماك ار ئسفليد
ؤراك كيس لعيب ئغ سلان ئي واوال اد
نضالب ئي ربي الاحباب افلاغ ئتوب
ئجود فلاغ ئسامح ئيي غ ئنا غ ندنب
ايانغ ؤر ئك ربي غ يا ئعصان لواحيد
ؤلا يايعصان ئي نبي زرين لحودود
ؤلا ئسمون ئيي ديس واخات ؤر نخاليض
احينت ايمي تاحنينيت ماتا غيكاد
نهيل هلي غ لهوفيات ازال غييض
اكين لحوقوق لي نيت ئكان لفرض
عالا سلامتك ئني صباح ئغ ئلا لحساب
ئبيد لميزان ؤر سول قاما لكدوب
اياركاز نكين ؤراتن كيغ الحباب
اياركاز ات ئكان د سيدي راسول ؤلله
نتا ايرا كيغ ئشافغ اسّ انّ ئلا لحساب
خمسين عام طلبا نان ئلا غ لكوتوب
ار انبيد غ تافوكت اريغ ئلا لحساب
وانا يرا ربي س رحمت نس ئك ؤساعيد
مقار تلا تافوكت ؤرا كيسنت ئبيد
ئكاسن ربي توزومت لعيباد لحيجاب
اضوغد ئلما س لخباراد نون ازاز
ئنيت نيل ؤميل ايغ ئفوغ ار ئتنزاه
ئكيد رزا ف ئخف نس ئنا كيغ زاز
ابسم الله ارا ايمينو لوح ات ئموريك
اضوغد ئلما س لخبارات نون ازاز
ئني تلينويلا ئغ ئفوغ ار ئتنزاه
ئكيد رزا ف ئخف نس ئنا كيغ زاز
ئتو لفرض ئتو سونت ئناياك ئكا زاز
ئتو زكا نتا د لعشور ئنا كيغ زاز
ئضيع لحق ئي وادجار ئنا كيغ زاز
اسيند اكوراي ار سرس ئكات لواليد
رزين ئغمران ئي ماس ئنا كيغ زاز
ئوا ادجات ؤكان ار داس ئكمل لحساب
ئدو س تيلاس ؤواكال ئليح اس زاز
ارارن فلاس ازرو د ئفريك انّ زاز
ها سايدنا عزراين ييوين يان ؤعمود ن زاز
ئغ اون ئنا ارا ماس تومنت ئناس زاز
ئراك ئسروات ار كيغ اك ئتلف زاز
ؤلا بوطزضاز ار ئتيني بوطاكاز
غان ايكان لجازانك ايان ئران زاز
ئتو لفرض ئتو سونت ؤكان ار ئتلعاب
ؤر ئسن ئس اغ ئخلق مولانا ات نتعباد
ؤر انغ ئني سالات غيكا والا غيكاد
مندون تازاليط د رمضان نقيم لحودود
ئوالجيل نون ار تن تحسانم لله
يوصايغ ربي ف لوالدين ؤر ئكي لكدوب
يانانغ ئنان ؤهو فتون زرين لكوتوب
اكولشي ئلا غ لقران ؤر ئكي لكدوب
ايان يوتن باباس والابود لعداب
يان ئطزين د ماس ارت ئتنعال لواحيد
لعنت لمولوك نس ئفوغ لماداهيب
ؤر ئزري شاهادانس ئكا غار لكداب
وانا يرا ربي س لهنا ئفاسن لاداب
ايادن لواليداين اد ؤر ئتاوي دنب
كولو ماغ كيورن ار سكارن شوهود
ازايد اييويتنغ هاياغ ىنفاك لكود
نكاك تيسورا غ لقفول نكاك لحيجاب
ئسووري ئواليون ئسكيديت :
محمد وادي
تيغري س ؤسفلد د ئزري غ ؤمارك ئدّرن "
اتمنى ان يكون هذا العمل مساهمة بناءة في النهوض بالثقافة الامازيغية وان يكون جسرا بين ماضينا الثري وحاضرنا الواعد ومستقبلنا المشرق ..
مع شكري الجزيل لكل من شجعني وساعدني معنويا في انجاز هذه المهمة النبيلة.
تانميرت ئي ئمدوكال د ئمغناسن د ئنغماسن
#taskla_tamazight #littérature_amazigh #chants_amazigh #souss #sud_marocain #smazgh_awal #mdi_awal #amarg #amazigh #belaid #anachad #demsiri #wahrouch #amentag #bizmawn #talbensirte #tabaamrante