Maromak hirus lalais ba ema aat ( Salmu kapitlu 2) LETRAS Portuguese, Ingles, Indonesia)

Tanbasá mak nasaun sira sai hirus?
No tanbasá mak povu sira halo planu
kona-ba buat neʼebé folin-laek?
2Liurai sira iha mundu sai prontu ona
No ukun-naʼin sira halibur hamutuk ho hanoin ida deʼit

Hodi kontra Maromak no kontra ema neʼebé Nia hili ona.
3 Sira dehan: “Mai ita tesi kotu korrente neʼebé sira uza hodi kesi metin ita
No mai ita kore ita-nia an husi sira-nia tali!”
4 Maromak neʼebé tuur iha kadunan iha lalehan sei hamnasa;
Nai sei goza sira.
5 Iha tempu neʼebá nia sei koʼalia ba sira ho hirus
No Nia sei halo sira taʼuk ho Ninia hirus makaʼas,
6 Hodi dehan: “Haʼu hili ona Haʼu-nia liurai no Nia hahú ukun ona Iha Siaun,
Haʼu-Nia foho santu.”
7 Haʼu sei fó sai buat neʼebé NAI deside ona;
Nia hatete ba haʼu: “Ó mak Haʼu-Nia oan-mane;
Ohin Haʼu sai ona ó-nia aman.

8 Se ó husu ba Haʼu, haʼu sei fó nasaun sira nuʼudar liman-rohan ba ó
No fó rai tomak ba ó nuʼudar ó-nian.
9 Ó sei harahun sira ho liurai nia ai-tonka besi,
No ó sei harahun sira hanesan sanan-rai ida.”

10 Entaun agora, imi liurai sira, hatudu matenek bá;
Imi juís sira iha mundu, simu korrije bá.a

11 Serbí Maromak hodi hamtaʼuk Nia,
No hatudu respeitu ba Nia ho haksolok.
12 Hatudu respeitu ba oan-mane neʼe,
se lae Maromak sei sai hirus
No imi sei lakon mohu tiha,
anba Nia sai hirus lalais.
Ksolok ba ema hotu neʼebé buka protesaun husi Nia.