පැය 24ම ඉර එළිය ඇති Saint Petersburgහි White Nights | Exploring Russia 🇷🇺 | රුසියාවේ එකොළොස්වැන්න

මම කසුන්. planet 361 stories channel එකේ. ඔයාලා ගොඩක් දෙනෙක් මාව අදුනගත්තෙ මගෙ Video game analysis and news channel එක වන @Planet361 නිසා. ඉතින් මම මේ planet 361 stories channel එක හදන්නෙ මගෙ ජීවිතේ විශේෂ දේවල් ඔයාලත් එක්ක බෙදාගන්න. මගෙ ජීවිත කතාව මේ තරම් දුර ආව ගමනෙ ලැබුණ අත්දැකීම් වලින් මේ ගමනම එන්න බලාගෙන ඉන්න අයව ධෛර්යමත් කිරීම තමයි ඒකෙ අරමුණ.

ඒ වගේම මට ලොකු ඉලක්කයක් තියනවා මැරෙන්න කලින් ලෝකයේ රටවල් 100ක සංචාරය කරන්න. අන්න ඒ ගමන්වල අත්දැකීම් ඔයාලත් එක්ක බෙදා ගන්න එක සහ ඔයාලටත් ඒ වගේ ඉලක්කයක් තියනවනම් ඒකට උදව් කරන එකත් මේ planet 361 stories වල අරමුණක්.

ආසියාවේ රටවල් ගණනාවක සංචාරයකින් පස්සේ, මම මගේ 11 වෙනි රට විදියට තෝරගත්තේ රුසියාව (Russia). නැගෙනහිර යුරෝපයටත්, ආසියාවටත්, ඇමරිකාවටත්, බෝල්ටික් මුහුදටත් මායිම්වෙලා තියෙන ලෝකයේ ලොකුම රටට යන්න මම සැලසුම් කලේ අවුරුද්දකටත් වැඩි කාලයක ඉඳන්. සිංගප්පූරුවේ Changi International Airport එකේ ඉඳලා Dubai හරහා මොස්කව් වලට ආව මම රුසියාවෙ දවස් 13ක් ගතකරන්න බලාපොරොත්තු වෙනවා. ඒ කාලය ඇතුලේ මොස්කව් වගේම රුසියාවෙ සුන්දරම නගරයක් වන Saint Petersburg වල සංචාරකටත් ඔයාලව එක්කගෙන යන්න මම බලාපොරොත්තු වෙනවා. රුසියාවෙ ඉතිහාසය, විශේෂයෙන් දෙවන ලෝක යුද්ධය ගැන, වර්තමානය වගේම අනාගතය ගැනත් ගොඩක් දේවල් මේ ගමනෙදි අපට කතාකරන්න පුලුවන්.

Saint Petersburg එහෙම නැත්නම් Leningrad කියන්නෙ රුසියානු ඉතිහාසය වගේම සන්ස්කෘතිය ඇතුළෙත් ලොකු වටිනාකමක් දිනාගත්ත නගරයක්. සුන්දර Neva නදියෙන් හැඩගැන්වුණ Saint Petersburg මම මේ වෙනකන් සන්චාරය කරපු සුන්දරම නගරයයි. උතුරේ වැනීසිය ලෙසට විරුදාවලිය ලත් Saint Petersburg, ගිම්හානයේ අපූර්වත්වය අපට සජීවීව අරගෙන ආවා. මේ Saint Petersburg වලට වසන්තය උදාවෙනකොට අපූරු සිදුවීමක් වෙනවා. ඒ තමයි ඉර එළිය අහසේ පැය 24ම රැදීම. ඉර බැස ගියත් අහසේ ආලෝකය තියනවා. මේක හදුන්වනවා White Nights කියලා. ඒ අත්දැකීම හරි අපූරුයි

එහෙනම් අපි මෙතනින් එහාට ලෝකය ගවේෂණය කරමු. ඒ ඔයාට මේ ලෝකය පේන අංශක 360 ඇතුලෙ නෙමේ, ඒකෙනුත් එහාට ගිහින්. අපි ඔයාලට නොපෙනෙන ලෝකය පළවෙනි අංශකයේ ඉඳලම පෙන්නන්නවා. ඒ කියන්නෙ අපි planet 361 stories එක්ක අංශක 361න් පටන් ගමු. ජයවේවා.

#planet361 #russia #රුසියාව #wwii #2025 #saintpetersburg