BelgeFilm- Xwepêşandana Zanîngeha Selahedînî | بەڵگەفیلم- خۆپێشاندانەکەی زانکۆی سەڵاحەدین

زانکۆی سلێمانی کە لە ساڵی 1968 دامەزرا، بە زوویی گۆڕا بۆ زیاتر لە تەنیا دامەزراوەیەکی پەروەردەیی، بەڵکو بووە ناوەندی هزری و بەرخۆدان و سیمای ناسنامەی کوردایەتی.
لەگەڵ بەهێزبوونی دەسەڵاتی حیزبی بەعس بەسەر کوردستاندا، هەوڵی ئەم حیزبە بۆ کۆنترۆڵکردنی هەموو لایەنەکانی ژیان زیادی کرد، بە تایبەتیش زانکۆکان و خوێندکارانی کردە ئامانج، چونکە ئەوان وەک هیوایەکی گەورە بۆ پێشکەوتن و داهاتووی کۆمەڵگای کوردستان سەیر دەکران.
سلێمانی شارێک نەبوو بەئاسانی ملی بۆ دەسەڵات دابنەوێت، لە بەرەنگاربوونەوەی ستەمی رژێمدا، چەند مامۆستایەکی سەر بە حیزبی بەعس کوژران، کارێکی بوێرانە بوو بۆ ئەو سەردەمەی کە بەعس لە لووتکەی هێزدا بوو.
لە تۆڵەسەندنەوەی ئەم کارەدا، زانکۆی سلێمانی گواسترایەوە بۆ هەولێر و ناوی "زانکۆی سەڵاحەدین"ی لێنرا.
ئەم بەڵگەفیلمە گێڕانەوەی چیرۆکی ئەو سەردەمە ناخۆشەیە و بیرخستنەوەی ئەو قۆناخە تاریکەیە کە دوای ئەم رووداوەدا هات.
بەڵگەفیلمەکە تیشک دەخاتە سەر ئازارەکانی خوێندکارانی زانکۆی سەڵاحەدین، کە زۆربەیان تەنیا بەهۆی بیرکردنەوەی ئازادانە یان دەربڕینی ناڕەزایەتییان دەستگیر کراون، ئەشکەنجەیان دراوە و تەنانەت کوژراون.
هەندێکیان لە خوێندن دەرکران، هەندێکی دیکەش لە وەرگرتنی بڕوانامەی دەرچوون بێبەشکران، بەبێ دانپێدانان بە ساڵانی خوێندنیان، ناچار بوون بچنە سەربازی یان وڵات بەجێبهێڵن.
بەڵگەفیلمەکە لە رێگای شایەتی و بەشداربووانی رووداوەکانەوە و بەرجەستەکردنی دیمەنەکان، لاپەڕەیەکی مێژووی هاوچەرخی باشووری کوردستان زیندوو دەکاتەوە.
ئەمە چیرۆکی قوربانیدان و خۆڕاگری و نەبەردیی خوێندکارانە بۆ بەرەنگاربوونەوەی نادادپەروەری و دڕندەیی رژێمی بەعس بەرامبەر کورد و کوردستان.

مۆنتاژ و دەرهێنان: کرمانج فەرەج
بەرهەمی ساڵی 2025



#RudawDocumentary #Documentary