"Khud Ke Saath Busy Raho"- @RubyGupta | Solitude | Depression | Best Hindi Poetry | Podcast

"Khud Ke Saath Busy Raho" | New Poetry

Tumhe har baar apne Saath koi kyu chaiye
Saath baat karne ke liye
Waqt guzarne ke liye
Khush rehne ke liye

Bas isiliye taaki tum akela na feel karo
Sab ke beech rehkar tum bore naa ho

Tab toh tum bade boring insaan hoge
Tum agar apne saath nhi reh sakte toh kisi
Se bhi judo koi tumhe waisa feel nhi kara sakta jaisa tum chahte ho.
Tumhari khushiyan or akelapan tumhari zimmedaari hai.

Logo ki importance hai life mein
Par koi tumhe acha mehsoos karaye
khush rakhe Yeh Logo se umeed
mat rakho.

Mann lagane ke liye
Bahut kuch hai
Karne ko, seekhne ko
Itne khaali ho kyun
Apne saath busy raho

Tumhe har baar koi chaiye
Apne saath. Toh tum thik nhi ho
Andar se. Tumhe khud par kaam
Karna chaiye.

Waqt do unn chizo ko jo tumhe karna
Pasand hai. Ha, Jaante toh tum sab kuch ho
Bas karte nhi ho. I know itna easy nhi hai
Par apne liye toh karna hi padega.

Har baar koi tumhare saath nhi
Ho sakta hai jab tumhe unki zaroorat
Hai. Apna motivation khud bano

Khush rehne ke liye dusro par
Depend hona chod do. Akele
Khush rehna seekho.

Logo ke waqt ki bheek mat maango
Bajaye apni chizo par dhyaan do
Life goals par, unhe achieve karne
me busy raho. Fizool logo par apna
Waqt zaya mat karo.

Tumhari zindagi tum behtar banane
wale ho log nhi.Kuch problems log
nhi suljha sakte.unse khud hi deal
karna hota hai.

Or ab mujhe lagta hai ki maine bhi tumhara
Bahut waqt le liya. Par jaate jaate
Mujhe bhi Batate jao, tum kaise khud ko
busy rakhte ho??

Share this Video :    • Видео  

Credits:
Voice - Ruby
Content - Ruby





#HindiPoetry #RubyGupta #Solitude #Loneliness #Busy # Podcasts #Inspirational #lifeadvice