რატომ არის ხელსაყრელი აშშ-სთვის რუსეთ-ევროპის ომი - რჩება თუ არა საქართველო რფ-ს დასუსტების ბერკეტად

თანამოსაუბრე: დემურ გიორხელიძე, ბლოგერი-ჟურნალისტი: ნინო ხაჩიძე
აშშ-სა და რფ-ს შორის მოლაპარაკებები ორ ფრონტზე იმართება: თურქეთსა და საუდის არაბეთში, თუმცა, როგორც გვეუბნებიან, თურქეთში მხოლოდ საელჩოების საკითხს განიხილავენ,, ხოლო საუდის არაბეთში - მხოლოდ რუსეთ-უკრაინის ომის დამთავრების სცენარებს. იმის გათვალისწინებით, რომ პარალელურად უამრავი თითქმის რევოლუციური ცვლილებებია: სატარიფო ომი, მასკის კომპანიების აქციების გაუფასურება ევროპაში, აშშ-ირანის მოლაპარაკებები ომანის შუამავლობით, ბრძოლა პანამის არხისთვის, აშშ-ს უცნაური სატარიფო პინგ-პონგი ჩინეთთან, ევროკავშირის ლიდერების არაფრისმთქმელი და გაურკვეველ შედეგზე ორიენტირებული განცხადებები, ევროკავშირის აქტიობა შუა აზიაში, ნეთანიაჰუს უშედეგო ვიზიტი ტრამპთან, გრენლანდია, სირიაში ყოფილი ტერორისტებისთვის კარტბლანშის მიცემა და ა. შ. აშშ-ს სპეცწამომადგენელი კელოგი ახმოვანებს გეგმას, თუ რა შეიძლება, მოხდეს უკრაინაში - ტერიტორიის ნაწილზე ჩადგებიან უკრაინული და ბრიტანულ-ფრანგული დანაყოფები, ნაწილზე - მხოლოდ უკრაინელები, რუსები კი იქ დარჩებიან, სადაც მათი სამხედრო მანქანა ამჟამად იმყოფება. ვვარაუდობ, ეს საწყისი ლოტია. რას უნდა ველოდოთ? მიიღებს ტრამპი, ბოლოს და ბოლოს, ნობელის მშვიდობის პრემიას თუ მაინც საფრანგეთი გადააფარებს ევროპას ბირთვული უსაფრთხოების ქოლგას, როგორც თავად ჰპირდება? ის კიდევ სხვა თემაა, აქვს თუ არა ამის პოტენციალი.