Klan News - RENEA vret 62-vjeçarin gjatë shkëmbimit të zjarrit

Pas disa orë rrethimi dhe shkëmbimi zjarri, RENEA ka vrarë 62-vjeçarin i cili plagosi bashkëshorten dhe djalin pas një konflikti në shtëpi gjatë mbrëmjes së të shtunës.

Ngjarja e rëndë ndodhi në Qesarakë të Maliqit. Ramiz Muçollari, i cili vuante nga probleme të shëndetit mendor, u dërgua nga të afërmit në spitalin e Korçës. Klan Neës mëson se ai nuk ka pranuar të shtrohet. Pikërisht ky ka qenë shkaku i nisjes së sherrit kur u kthyen në banesë rreth orës 22.00. Fillimisht ka goditur me thikë gruan, Pëllumbesha Muçollarin 58 vjeç duke e plagosur.

Më pas ka goditur me qytën e armës djalin, i cili ka marrë lëndime në fytyrë e trup.

Pas denoncimit nga fqinjët, forcat e policisë së Korçës  rrethuan banesën, por pa mundur të arrestojnë agresorin. 62 vjeçari ka qëlluar disa herë me mitroloz të lehtë ndaj tyre duke refuzuar të dorëzohej. Përballë rrezikshmërisë së lartë, drejtoria e policisë Korçë ka kërkuar ndihmën e forcave RENEA, të cilat mbërritën në mesnatë.

Për rreth 8 orë ato mbajtën të rrethuar banesën. Në njoftim zyrtar të policisë, bëhet e ditur se, forcat speciale i kanë bërë thirrje përgjatë natës për tu dorëzuar, por Muçollari ka vijuar të qëllojë me armë zjarri drejt tyre.

Rreth orës 9 të mëngjesit, "RENEA", ka mundur të hyjë deri në katin e dytë të banesës, ndërsa agresori qëndronte në papafingo dhe herë pas here qëllonte me armë.  Ne videon e shpërndarë nga policia, kuptohet që forcat speciale kanë hedhur tymyese.

Për rreth një orë ka vijuar shkëmbimi i zjarrit në një distance të afërt e për pasojë, 62-vjeçari ka humbur jetën.

Policia informon se Ramiz Muçollari, vuante nga probleme të shëndetit mendor. Banorët thonë se ai shpesh herë grindej me djalin, 27-vjeçarin Kamber Muçollari, që sipas tyre, ishte përdorues i lëndëve narkotike dhe luante bixhoz.

"Lozte kumar, drogë, nuk e di. Shqetësimet i ka pasur nga i biri”,

"Zhurmë dëgjova. Një zhurmë teke, tre zhurma dyshe, një teke prapë. Më duket se qenë nja 9 (të shtëna). Gjatë natës nuk ka qëlluar. Unë isha larg në distancë, thashë se është ndonjë llamarinë”

Prokuroria e Korçës qëndroi për disa orë në vendngjarje ku u mblodhën të gjitha provat. Verifikim do të ketë dhe ndaj autoriteteteve të spitalit për zbatimin e protokolleve mjekësore ndaj 62-vjeçarit Ramiz Muçollari.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan