Top News - Kim Jong Un kërcënon SHBA-në / Raketa balistike në det, Tokio dhe Seuli ‘dridhen’

Koreja e Veriut lëshoi të martën disa raketa balistike drejt detit, të cilat me shumë gjasa ishin predha me rreze të shkurtër veprimi, thanë Koreja e Jugut dhe Japonia, ndërsa Uashingtoni dhe Seuli zhvillojnë bisedime për transformimin e qëndrimit të tyre mbrojtës kundër Phenianit. Shefat e Përbashkët të Shtabit të Koresë së Jugut thanë se raketat u lëshuan nga një zonë pranë kryeqytetit Penian, rreth orës 3:50 sipas orës lokale, dhe ranë në ujë pranë bregdetit të saj lindor. Sipas seulit, raketat fluturuan rreth 350 kilometra. Roja bregdetare e Japonisë tha në anën tjetër se kishte zbuluar ato që mund të ishin raketa balistike të lëshuara nga Koreja e Veriut. Kryeministrjai Sanae Takaichi tha se raketat nuk do të kishin ndikim në Japoni. Koreja e Veriut në muajt e fundit ka testuar raketa me rreze të shkurtër veprimi dhe raketa me shumë lëshime, të cilat ka thënë se po zhvillohen si një pjesë kyçe e arsenalit të saj bërthamor taktik për të mbrojtur veten nga kërcënimet nga SHBA-të dhe Koreja e Jugut. Interesi është rritur për raketat balistike me rreze të shkurtër veprimi dhe artilerinë e Koresë së Veriut, pasi Pheniani po furnizon me to Rusinë për përdorim në luftën kundër Ukrainës sipas një pakti të mbrojtjes së ndërsjellë që dy vendet nënshkruan në vitin 2024. Testimi i fundit ndodhi gjatë vizitës së një zyrtari të lartë të Departamentit amerikan të Mbrojtjes në Korenë e Jugut, ku ai diskutoi modernizimin e aleancës ushtarake, ndërsa Uashingtoni kërkon një rol më të kufizuar në përpjekjet e kombinuara të mbrojtjes kundër Koresë së Veriut.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Kercenimi#KimJongUn