Top News - ‘Bisha’ e Trumpit arrin përballë Iranit / 100 mijë ton luftë! Brenda USS Abraham Lincoln

Anija imponuese bërthamore USS Abraham Lincoln e Donald Trump ka mbërritur në Lindjen e Mesme për një përballje të mundshme me Iranin. SHBA e riorientoi aeroplanmbajtësen e madhe, të mbushur me bombardues dhe raketa Sea Sparroë, që tani thuhet se ndodhet në distancë goditjeje të Teheranit.
USS Abraham Lincoln u pa së fundmi duke mbërritur në brigjet e Omanit të hënën në mëngjes, vetëm disa orë pasi përfaqësuesit iranianë kërcënuan të godisnin anijet amerikane që afrohen. Rebelët Huthi të Jemenit dhe grupi paramilitar Kataib Hezbollah i Irakut paralajmëruan se çdo sulm ndaj Iranit do të rezultojë në një përgjigje të fortë, të barabartë me një "luftë totale" në të gjithë rajonin.
Aeroplanmbajtësja USS Abraham Lincoln, rrethohet nga tre destrojerë të armatosur deri në dhëmbë me raketa vdekjeprurëse Tomahaëk; USS Spruance, USS Frank E. Petersen Jr dhe USS Michael Murphy.
Anija gjigante e transportit, e klasit Nimitz, njihet si një nga asetet më të mëdha të Uashingtonit për shkak të aftësive të saj sulmuese që ngjallin frikë në shumicën e kombeve rivale. Me gjatësi 330 metra dhe lartësi 12 metra, anija gjigande është sa tre fusha futbolli e madhe dhe kur është e ngarkuar plotësisht mund të peshojë mbi 100,000 ton. Pavarësisht pamjes së saj të rëndë dhe të frikshme, aeroplanmbajtëset janë të shpejta, me një shpejtësi maksimale prej mbi 30 nyjesh dhe janë ndër anijet më efikase të ndërtuara ndonjëherë. Ajo merr fuqi nga dy reaktorë bërthamorë që e lejojnë të lundrojë deri në 25 vjet pa pasur nevojë të ndalet për t'u furnizuar me karburant. Ndër asetet e saj më të mëdha krahasuar me anijet e tjera luftarake është madhësia e kuvertës së fluturimit. Deri në 90 avionë, nga bombarduesit deri te helikopterët, mund të vendosen në kuvertën e cila shtrihet në mbi 18 mijë metra katror. Në bordin e saj shihen kryesisht avionë F/A-18 Super Hornets dhe helikopterë MH-60 Seahaëk. Me një vlerë prej mbi 6.8 miliardë dollarësh, anija është gjithashtu e mbushur me lëshues raketash dhe sisteme të specializuara. Këto i lejojnë asaj jo vetëm të pengojë çdo rival nga sulmi, por edhe të ofrojë mbrojtje në rast të operacioneve detare. Një ekuipazh prej mbi 5,000 trupash qëndron në bord.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Anija#SHBA