العزوه العبدليّه مخلفة كل قاله | أداء : دحام الضحيك

راح حالي سوات اللي يحب انعزاله
ماترك فالبسيطه ضيقتن ماجناها
هاجس الشعر وافكاره وصحبه واله
ماقدرنا نخليها ونترك غثاها
كني اللي يشد من المنازل رحاله
ايتوجد عليها ويتذكر نحاها
عقب ماشاف غروً عند دلو المحاله
انشلع قلبه اللي ذايبً في حراها
كل مامر طاريها يسامر دلاله
وسط ليلً يشابه شعرها من وراها
عنزوها على اطيب جد واطيب سلاله
لو تفارق منازلها تباكو علاها
مفرعه ياخذ امن النور مما بداله
غير سودً يامزينها ومكثر حلاها
الهدب كنه سيوفً تحب العداله
في يدين الملوك اللي يشرف نباها
بنت شيخً تحب اهل الوفا والشكاله
في كنف عودها اللي ماسمح من غلاها
مابعد مسها اللي يفتخر في رياله
تقصر ايديه دامه ماوصل مستواها
ماتقدم سوى للي يحب الجماله
يوم دنيا العنا ماتطحن الا رحاها
عربو منسبه مابين عمه وخاله
كل قمه على نجد العذيه رقاها
كلمة ونعم عنده كنها من حلاله
لو تقدم لغيره قال ربي بلاها
جعل راس الجزيل اللي يحب الجزاله
تبطي الارض ماتخفيه داخل خباها
هذا مشعل ولد فالح ماتقصر حباله
ابلجً يعشق الجزله وياسم عصاها
مشعل اللي يجملني ليا جا مجاله
لادعيته كما برقاً لمع في سماها
اصوكً لانخيته ماتدور بداله
الصعايب يجندلها ويلعن ثواها
دام ميمون مصدر عزه وراس ماله
كيف مايفتخر فيها ولا في وفاها
لابتن مجدها ماينجنى بالسهاله
غير بفعالها اللي ماجحدها عداها
العزوه العبدليه مخلفت كل قاله
يامن ابها دخيلً ملتجي في حماها
من مطير الاشده والكرم والرجاله
ربعي اللي عجزت الحق واحقق جزاها