វិញ្ញាណកថា - ហេតុ, កិច្ច,​ និងស្ថានរបស់ចិត្ត (បដិច្ចសមុប្បាទធម៌)

ព្រះធម្មវិបស្សនា កេតុធម្មោ​ សំ ប៊ុនធឿន សម្ដែងអំពីវិញ្ញាណ ដែលជាបច្ច័យ ឱ្យកើតនាមរូប។ វិញ្ញាណកើតឡើង ព្រោះមានសង្ខារជាបច្ច័យ។
សង្ខារគឺជាហេតុ វិញ្ញាណគឺជាផល។ ព្រះអង្គពន្យល់យោគាវចរអំពីហេតុ, កិច្ច,​ និងស្ថានរបស់ចិត្ត។

បដិច្ចសមុប្បាទ គឺជាធម៌ ឬសភាវៈដែលកើតមានឡើងដោយសារបច្ច័យ គឺគ្រឿងអាស្រ័យទាក់ទងតៗគ្នា។

អវិជ្ជាជាបច្ច័យ ឱ្យកើតសង្ខារ, សង្ខារជាបច្ច័យ ឱ្យកើតវិញ្ញាណ, វិញ្ញាណជាបច្ច័យ ឱ្យកើតនាមរូប, នាមរូបជាបច្ច័យ ឱ្យកើតអាយតនៈ, អាយតនៈ​ជាបច្ច័យឱ្យកើតផស្សៈ, ផស្សៈជាបច្ច័យ ឱ្យកើតវេទនា, វេទនាជាបច្ច័យ ឱ្យកើតតណ្ហា, តណ្ហាជាបច្ច័យ ឱ្យកើតឧបាទាន, ឧបាទានជាបច្ច័យ ឱ្យកើតភព, ភពជាបច្ច័យ ឱ្យកើតជាតិ, ជាតិជាបច្ច័យ ឱ្យកើតជរា មរណៈ សោក ទុក្ខ ទោមនស្ស សេចក្តីចង្អៀតចង្អល់ចិត្ត ជាច្រើនអនេក។ ការជាប់ប្រទាក់គ្នា ១២ កងនេះ ឈ្មោះថា បដិច្ចសមុប្បាទ ។

(ភូមិរបស់វិបស្សនា៦យ៉ាងគឺ៖ ខន្ធ ៥, អាយតនៈ ១២, ធាតុ ១៨, ឥន្ទ្រិយ ២២, សច្ចៈ ៤, បដិច្ចសមុប្បាទ ១២។)

៚៚៚៚៚៚៚

ព្រះធម្មវិបស្សនា កេតុធម្មោ គ្រូសមាធិ និងវិបស្សនាកម្មដ្ឋាន ដ៏ល្បីល្បាញនៅព្រះរាជាណាចក្រកម្ពុជា និងបរទេស, ជារាជាគណៈថ្នាក់ចត្វា, អធិបតីពុទ្ធមណ្ឌល និងអគ្គនាយកវិបស្សនាធុរៈនៃព្រះរាជាណាចក្រកម្ពុជា។ ព្រះនាមកំណើតគឺ សំ ប៊ុនធឿន។

The late and renowned Samādhi and Vipassanā Buddhist Master Venerable Ketodhammo. He was born in Kampuchea (in English, Cambodia). His birth name is Som Bunthoeun. The venerable is a former Chair of the Buddhist Center and Director General of Vipassanādhura of Cambodia.