#ព្រះបន្ទូលនៃសេចក្ដីពិតសម្រាប់ថ្ងៃសៅរ៍

#ចំណងជើងវីដេអូ៖ «អំណាចនៃការឲ្យ» The Power Of Giving

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃសៅរ៍ ទី០៧ ខែមិថុនា ឆ្នាំ២០២៥។

«អំណាចនៃការឲ្យ» The Power Of Giving

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«រីឯ​នៅ​ក្រុង​សេសារា មាន​មនុស្ស​ម្នាក់​ឈ្មោះ​កូនេលាស ជា​មេ​លើ​កងទ័ព ដែល​ហៅ​ថា កងទ័ព​អ៊ីតាលី ២ ជា​អ្នក​គោរព ហើយ​កោតខ្លាច​ដល់​ព្រះ ព្រម​ទាំង​ពួក​គ្រួសារ​របស់​លោក​ទាំង​អស់​ផង លោក​ក៏​ដាក់​ទាន​ជា​ច្រើន​ដល់​ពួក​ជន ហើយ​អំពាវនាវ​ដល់​ព្រះ​ជានិច្ច» (កិច្ចការ ១០:១-២)។

ច្បាស់លាស់ណាស់ ព្រះតែងតែប្រឆាំងនឹងភាពអាត្មានិយម។ ផ្ទុយមកវិញ ទ្រង់នឹងប្រើគ្រប់ឱកាសដើម្បីឲ្យសង្គ្រោះ ព្រះពរ និងលើកតម្កើងដល់អ្នកដែលតែងតែឲ្យ។ សូមកត់សម្គាល់ពាក្យថា «សង្គ្រោះ»។ សូម្បីតែអ្នកមិនមែនជាគ្រីស្ទាន តែជាអ្នកដែលឲ្យ — ជាអ្នកដែលមានចិត្តទូលាយ និងសប្បុរស — ក៏ទទួលបានការយកចិត្តទុកដាក់ពីព្រះដែរ ហើយទ្រង់ស្វែងរក ដើម្បីសង្គ្រោះពួកគេ។ ប្រសិនបើទ្រង់អាចរកឃើញនរណាម្នាក់ដែលអធិស្ឋានសម្រាប់ពួកគេ ទ្រង់នឹងអនុវត្តសិទ្ធិស្របច្បាប់របស់ទ្រង់ ដើម្បីធ្វើសកម្មភាពណាមួយ ថែមទាំងដឹកនាំពួកគេឲ្យទទួលបានសេចក្ដីសង្គ្រោះ។

សាច់រឿងរបស់កូនេលាសនៅក្នុងកិច្ចការ ១០ បានបង្ហាញពីសេចក្ដីពិតនេះយ៉ាងស្រស់ស្អាតណាស់។ កូនេលាសគឺជាមេទ័ពរ៉ូម៉ាំង ជាជនបរទេស ហើយមិនមែនជាផ្នែកនៃពួកសាសន៍ជនជាតិយូដាទេ។ ទោះជាយ៉ាងណាក៏ដោយ គាត់ជាមនុស្សគោរព និងកោតខ្លាចព្រះ ហើយត្រូវបានគេស្គាល់ថា គាត់ជាមនុស្សមានភាពសប្បុរស។ គាត់បានឲ្យទានដល់ប្រជាជន ហើយបានអធិស្ឋានជារៀងរាល់ថ្ងៃ។

ការឲ្យ និងការអធិស្ឋានរបស់គាត់មិនត្រូវបានមើលរំលងឡើយ។ រាល់កិច្ចការទាំងនោះ បានក្លាយទៅជាដង្វាយនៅចំពោះមុខព្រះ។ ដោយសារតែភាពសប្បុរសរបស់គាត់ ព្រះបានចាត់ទេវតាមួយអង្គទៅកាន់កូនេលាសជាមួយនឹងដំបូន្មានដ៏អស្ចារ្យ, ហើយបានបញ្ជូនសាវ័កពេត្រុសដែលជាអ្នកនាំនៃសេចក្ដីសង្គ្រោះមកឲ្យគាត់។
សូមគិតមើល! ទេវតាមួយអង្គបានលេចមករកកូនេលាស ដោយសារតែការឲ្យរបស់គាត់!

ព្រះបានរៀបចំផែនការសង្គ្រោះទាំងមូលសម្រាប់កូនេលាស ក្រុមគ្រួសាររបស់គាត់ និងក្រុមមនុស្សនៅក្នុងផ្ទះរបស់គាត់ដោយសារតែភាពសប្បុរសរបស់គាត់។ នៅពេលពេត្រុសបានផ្សព្វផ្សាយអំពីព្រះយេស៊ូវគ្រីស្ទ ព្រះវិញ្ញាណបរិសុទ្ធបានយាងមកសណ្ឋិតលើមនុស្សគ្រប់រូបដែលបាននៅទីនោះ។ ពួកគេបានចាប់ផ្ដើមនិយាយភាសាដទៃ និងសរសើរដម្កើងដល់ព្រះ។ ពេលនេាះ គឺជាចំណុចសំខាន់មួយនៃពួកជំនុំដំបូងដែលមានការផ្លាស់ប្ដូរ ហើយក៏បានក្លាយជាពន្លឺដ៏សំខាន់នៃចក្ខុវិស័យជាសកលនៃដំណឹងល្អផងដែរ។

ព្រះតែងតែស្អប់ភាពកំណាញ់ស្វិតស្វាញ។ ពីព្រោះ វាផ្ទុយពីធម្មជាតិរបស់ទ្រង់ ហើយឆ្លុះបញ្ចាំងពីធម្មជាតិរបស់អារក្ស។ ដូច្នេះ រាល់ពេលដែលព្រះមើលឃើញមនុស្សកំណាញ់ស្វិត ទ្រង់មើលឃើញដល់សត្រូវ។ ប៉ុន្តែនៅពេលទ្រង់ឃើញអស់អ្នកណាដែលឲ្យ ទ្រង់ឃើញអ្វីមួយនៃអង្គទ្រង់ផ្ទាល់នៅក្នុងបុគ្គលនោះ ហើយក៏ទាក់ទាញដោយសេចក្ដីស្រឡាញ់ដែរ។ កូរិនថូសទី២ ៩:៧ AMPC ចែងថា៖ «...ដ្បិត​ព្រះ​ទ្រង់​ស្រឡាញ់​ដល់​អ្នក​ណា​ដែល​ថ្វាយ​ដោយ​អំណរ។ សូមឲ្យព្រះបន្ទូលនេះ ក្លាយជាការពិពណ៌នាអំពីអ្នក ហើយដូច្នោះ នោះបទពិសោធន៍នៃសេចក្ដីស្រឡាញ់របស់ព្រះនឹងមានលើសលប់ចំពោះអ្នក។

#ការសារភាព
ខ្ញុំជាអ្នកឲ្យដោយរីករាយ ហើយតាមរយៈការឲ្យរបស់ខ្ញុំ ខ្ញុំបានដាក់ខ្លួនឯងឲ្យស្របតាមគោលបំណងដ៏ល្អឥតខ្ចោះរបស់ព្រះជានិច្ច ធ្វើដូច្នេះ ខ្ញុំនឹងមានបទធិសោធ ជាមួយនឹងព្រះគុណដ៏បរិបូររបស់ទ្រង់។ ខ្ញុំប្រព្រឹត្តជាមួយនឹងសេចក្ដីស្រឡាញ់រាប់អាន និងព្រះពរកើនឡើងដ៏អស្ចារ្យ។ សូមអរព្រះគុណព្រះដែលបានធ្វើឲ្យខ្ញុំក្លាយជាផ្លូវនៃការចែងចាយព្រះពររបស់ទ្រង់ដល់ពិភពលោករបស់ខ្ញុំ ខ្ញុំសូមអធិស្ឋាននៅក្នុងព្រះនាមព្រះយេស៊ូវ។ អាម៉ែន។

#ការសិក្សាបន្ថែម៖ កូរិនថូសទី២ ៩:៦-៧ សុភាសិត ១១:២៤-២៥ កិច្ចការ ១០:៣-៤ ហេព្រើរ ១៣:១៦ AMPC