Ragga Gröndal - Bláa blómið // Live, 2019 // RUV.IS

Source (entire TV concert and interview): https://www.ruv.is/frettir/menning-og...

The song is from album Töfrabörn. I was so captivated by it, it is pure magic! https://raggagrondal.bandcamp.com/alb...

Links:
   / @raggagrondal  
  / rgrondal  
  / raggagrondal  
https://www.raggagrondal.com/
https://sleeve.fm/artists/raggagrondal/
https://raggagrondal.bandcamp.com/
https://play.spotify.com/artist/5JRFr...

Bláa blómið
(The poem is a translation of a German poem called Du bist wie eine Blume by Heinrich Heine)

Þú ert sem bláa blómið
svo blíð og hrein og skær.
Ég lít á þig og löngum
mér líður hjarta nær.

Mér er sem leggi ég lófann
á litla höfuðið þitt
biðjandi guð að geyma
gullfagra barnið mitt.

The original German poem:

Du bist wie eine Blume,
So hold und schön und rein;
Ich schau dich an, und Wehmut
Schleicht mir ins Herz hinein.

Mir ist, als ob ich die Hände
Aufs Haupt dir legen sollt,
Betend, daß Gott dich erhalte
So rein und schön und hold.

~~~~~~~~~~~~~~~~~~~
The original icelandic description on RUV.IS

Útgefið eftir 15 ár með þessu áframhaldi

Kristján Freyr Halldórsson
15. febrúar 2019 kl. 15:54 GMT

Tónlistarkonan Ragnheiður Gröndal gefur út Töfrabörn, sína níundu hljómplötu á næstu dögum. Hljómplatan var lengi að gerjast hér heima en tók stakkaskiptum þegar haldið var út til Englands í hljóðver. Ragnheiður heldur útgáfutónleika í Gamla bíói í mars en gefur hér nasasjón af efninu í Stúdíói 12.

Ragnheiður hefur komið víða við í sinni tónlist, auk þess að vera vinsæll flytjandi hefur hún unnið að sinni tónlist og gefið út allt frá árinu 2003. Þjóðlagaskotin popptónlist er mögulega hæfileg lýsing á hennar lagasmíðum en sterkur djassgrunnurinn er aldrei langt undan. Síðasta plata Ragnheiðar kom út árið 2014, Svefnljóð en nú kveður við nýjan tón á plötunni Töfrabörn þar sem Ragnheiður lætur meðal annars af stjórn í upptökuferlinu og settist að í hljóðveri í Suður-Lundúnum.

„Ég held að ég hafi þurft á þessu að halda, að komast aðeins í burtu til að fá smá vinnufrið. Maður er alltaf svo voðalega bissí hérna heima. Ég var byrjuð að taka upp hér en það tók bara svo mikinn tíma. Ég var svona eitt og hálft ár að taka upp eitt lag. Þetta gekk það hægt en hefði svo sem verið í lagi en þá hefði platan komið út þegar ég verð fimmtug,“ segir Ragga Gröndal um upptökuferlið.

Töfrabörn tók Ragga og hljómsveit upp í hljóðveri hjá írska upptökustjóranum Gerry Diver sem rekur sitt hljóðver í London og sameiginleg vinkona Divers og Röggu benti henni á. „Ég ákvað að slá til og prófa að vinna með honum, ég hef aldrei áður hleypt neinum að í álíka ferli hjá mér. Ég hef bara alltaf verið með vini mína, Gumma (Guðmund Pétursson) manninn minn og Hauk (Hauk Gröndal) bróður. Hef alltaf verið með fólk sem ég treysti hundrað prósent. Þetta var ákveðið skref í því að læra að leyfa öðrum að setja sitt mark á mína tónlist. Það gerði hann svo sannarlega, því þetta hljómar ekki eins og neitt sem ég hef gert áður,“ segir Ragnheiður og nefnir að hún hafi ekki getað farið í gegnum þetta ferli nema að hafa klett sinn sér við hlið, manninn sinn Guðmund Pétursson.

Ragga og hljómsveit hófu leik á samnefndu lagi Töfrabörn og við tók svo lagið Bláa blómið þar sem Haukur Gröndal var kallaður inn. Þriðja lagið Allt um kring fjallar um að stíga upp úr sársauka og lenda á löppunum. „Maður á aldrei að gefast upp á að leita, maður finnur alltaf á endanum það sem maður leitar að.“ segir Ragga og fjórða og síðasta lagið heitir Amma. „Þetta fjallar um ömmu mína, hún var fædd 1920. Ég hef oft hugsað um það að konur af hennar kynslóð náðu einhver veginn aldrei að realísera sig sjálfar eins og hef náð að gera sem kona sem fædd er 1984. Þetta er óður til hennar og óður til kvenna af eldri kynslóðum. Konur sem hafa borið kyndilinn, haldið öllu uppi, heilu fjölskyldunum, svo að konur í dag geta haft það eins gott og raun ber vitni. Þú getur til dæmis ekki ímyndað þér hvað ég er þakklát að fá að koma hér í dag og fá að deila með fólki öllu því sem ég er að hugsa og að gera og bjóða þeim inn í mitt samtal,“ segir Ragnheiður Gröndal þakklát og er henni þakkað fyrir komuna í Stúdíó 12.

Það var Óli Palli sem tók á móti hljómsveitinni í Popplandi, Markús Hjaltason sá um hljóð og myndstjórn var í höndum Helga Jóhannessonar.