養生之旅｜黎諾懿新節目成性感擔當 慘被太太嫌棄指身形肥嘟嘟

養生之旅｜黎諾懿新節目成性感擔當 慘被太太嫌棄指身形肥嘟嘟

TVB全新旅遊節目《養生之旅》帶大家走訪內地，尋找養生嘅珍貴食材，體驗獨特嘅養生之道，呢日有份主持嘅 黎諾懿 、陳嘉慧、文凱婷 同《中聲2》唱將王學琳帶大家走訪雲南，而 曹永廉 陳煒 游嘉欣 同《中聲3》選手 鍾凱瑩 就會帶大家探訪貴州。

呢日一眾主持現身記招推介節目亮點，節目中有美景美食，仲有美女出浴，就連諾懿都會大尺度出鏡，赤裸上身體驗拔罐療法，仲話自己用心良苦專登唔操Fit，又暴飲暴食，等觀眾見識佢嘅「爸爸身形」。 點知助手將諾懿嘅裸身鏡頭即場分享畀太太 李潔瑩 ，佢就被太太嫌棄質問點解要除衫，仲以肥嘟嘟評價佢嘅演出。

而產後復出嘅Erica，今次拍節目要離開屋企十幾日，當然唔捨得一歲嘅囡囡啦！不過佢就話成個旅程好享受，食咗唔少養生餐，直頭好似坐月一樣，仲可以放下假享受一下自己嘅Me Time。

Aeren同游游兩位後生女，今次拍養生之旅都有唔少收穫，唔止身體變健康，連頭腦都好似靈活咗，Aeren話同諾懿合作自己轉數都快咗，而游游就指學識有時生活要放慢節奏。

節目由 周國豐 擔任聲音導航，平時大家聽佢講評語就聽得多，反而為節目配音可以突顯周Sir溫柔嘅聲線，而Aeren用咗一句金句來形容周Sir平日點評嘅風格：「佢用最溫柔嘅聲線去講最狠嘅話！」

《養生之旅》4月21號起 星期一至五晚 22:30 翡翠台

#養生之旅 #黎諾懿 #陳嘉慧 #文凱婷 #王學琳 #曹永廉 #陳煒 #游嘉欣 #鍾凱瑩 #雲南 #貴州 #周國豐 #肥嘟嘟
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0