چُھ درٛامُت یار دِتُن کَربَر مے ما اکھ زر خبر اَمہِ چی | گلوکار - عبدل رشید حافظ | کلام - بشیر مرازی
Автор: Junaid Amin (JENIN)
Загружено: 2025-10-24
Просмотров: 1231
چُھ درٛامُت یار دِتُن کَربَر
مے ما اکھ زر خبر اَمہِ چی
مے تشنَس وون کریم کُس تَر
مے ما اکھ زر خبر اَمہِ چی
مے گوو زیروزبر کَتہِ تام
بہٕ روٗدس بے خَبر از تام
دُبارَے کَر وُچَھن چُھم شَر
مے ما اکھ زر خبر اَمہِ چی
نصیٖبس چَھم مے پیمٕژ ہاے
تمِس اَمہِ کُے چُھ کیا پرواے
یَژھاں یمیی سٕے کڑاں تَس ور
مے ما اکھ زر خبر اَمہِ چی
زلف خمدار بدن زأویُل
الف قد کیا چُھ تَس أویُل
تمِس کَتہِ چُھم دویُم ہمسر
مے ما اکھ زر خبر اَمہِ چی
وُچِھتھ ییمی ییتہِ لوگنَے اون
تمی پانَس سیاہ چاہ کھون
چُھ ما نیران کنَن تَس زَر
مے ما اکھ زر خبر اَمہِ چی
کراں یُس ییتہِ تمِس سٕت لے
سُہ وایان بَس چُھ تہنٕزے نَے
چُھ ما مرنُک تمِس کانہہ ڑر
مے ما اکھ زر خبر اَمہِ چی
مرأزِس کُس یِہ پیوو دایَس
وقت گژھ تھٕی سُہ پیوو پایَس
پتھر تروومُت چُھ تمی از سَر
مے ما اکھ زر خبر اَمہِ چی
گلوکار - عبدل رشید حافظ
کلام - وارثی بشیر مرازی
Доступные форматы для скачивания:
Скачать видео mp4
-
Информация по загрузке:
