1. බුද්ධානුස්සති භාවනාව - Ven. Hasalaka Seelawimala Thero.

1. බුද්ධානුස්සති භාවනාව.

පූජනීය හසලක සීලවිමල ස්වාමීන් වහන්සේගේ වැඩමවීමෙන්,
නාවින්න රජ මහා විහාරයේ පැවැත්වෙන"ධම්මානුපස්සනා" දේශනා ආරම්භයේදී,
සිදුකෙරෙන භාවනා කර්මස්ථාන - බුද්ධානුස්සති භාවනාව.

~ බුද්ධානුස්සති භාවනාව ~

රාග ද්වේශ මෝහ නොමැති - සිතකින් යුතු වන්නේ
සිල් සමාධි ගුණ නුවණැති - නිවන් රසය දන්නේ
තුන්ලොව වැඳුමන් ලැබුමට - නිතියෙන් හිමි වන්නේ
අරහං යන ගුණයෙන් යුතු - මුණිඳු සරණ යන්නේ
සාදු සාදු මම සම්බුදු - මුණිඳු සරණ යන්නේ

ගුරු උපදෙස් කිසිවක් නැති - ඍජු ගමනකි යන්නේ
පෙරුම් පුරාගෙන ආ බල - රැකවරණෙට එන්නේ
දසබල බුදු නුවණ ඇතිව - තුන්ලොව ජයගන්නේ
සම්මාසම්බුදු ගුණ යුතු - මුණිඳු සරණ යන්නේ
සම්මාසම්බුදු ගුණ යුතු - මුණිඳු සරණ යන්නේ

කෙලෙසුන් තොර නුවණ ඇතිව - පෙර භවයන් දන්නේ
ඉපදෙන මැරෙනා සසරේ - ඇති තතු වැටහෙන්නේ
හිරු සඳු ලෙස නුවණ ඇතිව - දහමේ හැසිරෙන්නේ
විජ්ජාචරණින් යුතුවූ - සමිඳුන් නමදින්නේ
සාදු සාදු මම සම්බුදු - සමිඳු සරණ යන්නේ

සුන්දර වූ නිවන් මඟෙහි - සොඳින් වැඩමවන්නේ
අමා නිවන් සුවය විඳින - සිතකින් යුතු වන්නේ
සිත කය වචනය හැමවිට - සොඳුරුව පවතින්නේ
සුගත ගුණෙන් යුතු ගෞතම - මුනිඳුන් නමදින්නේ
සාදු සාදු මම සම්බුදු - මුණිඳු සරණ යන්නේ

දෙව් ලොව බඹු ලොව මනු ලොව - සතර අපා දන්නේ
කල කම් පල දෙමින් සතුන් - ඒ ඒ තැන යන්නේ
ලොව ඉපදෙන ලොවින් මිදෙන - මග මැනවින් දන්නේ
ලෝක විදූ ගුණයෙන් යුතු - සමිඳුන් නමදින්නේ
සාදු සාදු මම සම්බුදු - සමිඳුන් නමදින්නේ

මහා කාරුණික ගුණ ඇති - බුදුනෙත යොමු වන්නේ
දෙසනා විට සිරි සදහම් - ලොව දමනය වන්නේ
සසරේ සැරි සරන සතුන් - ඒ ඒ තැන යන්නේ
අනුත්තරෝ පුරිස දම්ම - සාරති නම් වන්නේ
අනුත්තරෝ පුරිස දම්ම - සාරති නම් වන්නේ

දෙව් ලොව බඹ ලොව දෙවිවරු - බණ අසන්ට එන්නේ
මනුලොව නුවණැති මිනිසුන් - නිවන් මඟෙහි යන්නේ
දෙව් මිනිසුන්ගේ උත්තම - ගුරු දෙවිඳුන් වන්නේ
සත්ථා දේව මනුස්සානං - බුදුහිමි නමදින්නේ
සත්ථා දේව මනුස්සානං - බුදුහිමි නමදින්නේ

ලෝ සත විඳිනා දුක ගැන - පැහැදිලි කරමින්නේ
දුකෙන් මිදෙන නිවන් ලබන - මඟ ගැන පහදන්නේ
චතුරාර්ය සත්‍යය ගැන - අව්බෝධය දෙන්නේ
බුද්ධ ගුණෙන් යුතු ගෞතම - මුනිඳු සරණ යන්නේ
බුද්ධ ගුණෙන් යුතු ගෞතම - මුනිඳු සරණ යන්නේ

අප මුනිඳුගෙ බුදු නුවණට - හිරු සඳු පරදින්නේ
සීල සමාහිත ගුණයට - ලොවම වසඟ වන්නේ
දියෙන් උඩට විත් විහිදුන - පියුමක් විලසින්නේ
භගවා යන ගුණයෙන් යුතු - බුදුහිමි නමදින්නේ
සාදු සාදු මම සම්බුදු - සමිඳුන් නමදින්නේ.

සැම හිත සුව පිණිස,
නිවන් කැමති ඔබ සැමගේ අවධානය යොමුවේවා.
“චිරං තිට්ඨතු ලෝකස්මිං සම්බුද්ධ සාසනං”

▶️ Link භාවනා:    • භාවනා (Meditation)  
▶️ Link:    • Плейлист  
දායකත්වය සඳහා විමසීම්:
'චක්ඛුං උදපාදී' - 'ධම්මානුපස්සනා' 'ධම්ම දේශනා' මඟින් ඔබවෙත ගෙන එනු
ලබන සියළු දහම් වැඩසටහන් පිළිබඳව යාවත්කාලීන තොරතුරු ලබාදෙන මාධ්‍යයෙන්:
ෆේස්බුක් පිටුව (FB): https://www.facebook.com/profile.php?...
ෆේස්බුක් පිටුව (FB): https://www.facebook.com/hemaka.dias?...
යූටියුබ් නාලිකාව:    / @hdsl6659  
වයිබර් නාලිකාව: https://invite.viber.com/?g=s5rxAVQ7j...
වට්ස්ඇප් සමූහය: https://wa.me/message/BT2S54YZQ24JD1
වට්ස්ඇප් සමූහය: https://chat.whatsapp.com/ChP3lVPnBmn...
විද්‍යුත් තැපෑල; [email protected]
Tel: +94 773 558 666 - +94 712 726 416