ထိုင်း-မြန်မာနယ်စပ်က စခန်း ၂ခုကို KNLA ပူးပေါင်းတပ်တွေ သိမ်းပိုက်
Автор: Voice of Revolution Live News
Загружено: 21 апр. 2025 г.
Просмотров: 15 692 просмотра
ထိုင်း-မြန်မာနယ်စပ်၊ ကရင်ပြည်နယ်၊ မြဝတီမြို့နယ်ရှိ မော်ဖားသူး စစ်တပ်စခန်းနဲ့ တနင်္သာရီတိုင်း ထားဝယ်ခရိုင်ရှိ ထီးထဗျူဟာကုန်းစခန်းတွေကို KNLA PDFပူးပေါင်းတပ်တွေက ဧပြီ ၁၉ရက်တရက်ထဲမှာ သိမ်းယူလိုက်ပြီလို့ စစ်ရေးသတင်းအရင်းမြစ်တွေဆီက သိရပါတယ်။
KNUတပ်မဟာ (၄)နယ်မြေ တနင်္သာရီတိုင်း၊ ထားဝယ်- ထီးခီးလမ်းပေါ်က စစ်ကောင်စီရဲ့ ထီးထာ့ဗျူဟာစခန်းကို ဧပြီလ ၁၂ ရက်နေ့ကစတင် ထိုးစစ်ဆင်ခဲ့တာဖြစ်ပြီ ဧပြီလ ၁၉ ရက်နေ့ ညနေပိုင်းမှာ သိမ်းယူနိုင်ခဲ့ပါတယ်။
စခန်းသိမ်းတိုက်ပွဲအတွင်း စစ်ကောင်စီရဲ့ ကမ်းရိုးတန်းစစ်ဌာနချုုပ် လှုပ်ရှားစစ်ဗျူဟာ(၁)ရဲ့ ဗျူဟာမှူးကို အရှင်ဖမ်းမိပေမယ့်လည်း လုံခြုံရေးအရပစ်ခတ်စဥ် သေဆုံးသွားတယ်လို့ မြေပြင်သတင်းအရင်းမြစ်တွေဆီက သိရပါတယ်။
စစ်သုံ့ပန်းတွေနဲ့ လက်နက်ခဲယမ်းတွေအများအပြား ရရှိခဲ့ပြီး လက်နက်ကြီးကုန်းကိုလည်းရရှိခဲ့ကာာ တောင်ကုန်းပေါ်မှာတပ်စွဲထားတဲ့ ထီးထဗျူဟာ စခန်းကုန်းသုံးခုလုံးကို အပြီးသတ် တိုက်ခိုက်သိမ်းပိုက်နိုင်ခဲ့ခြင်းဖြစ်တယ်လို့လည်း သိရပါတယ်။
ထီးထဗျူဟာစခန်းဟာ နယ်စပ်စစ်စခန်းတွေနဲ့ နယ်စပ်ကုန်သွယ်ရေးအတွက် စိုးမိုးထိန်းချုပ်ထားနိုင်ဖို့အရေးပါတဲ့စခန်းတစ်ခုဖြစ်တာကြောင့် စစ်ကောင်စီက အပြင်းအထန်ခုခံခဲ့ပြီး တော်လှန်ရေးပူးပေါင်းတပ်ဖက်ကလည်း ထိခိုက်မှုအချို့ရှိတယ်လို့ သိရပါတယ်။
ထီးထာဗျူဟာစခန်းကို သိမ်းပိုက်နိုင်ခဲ့မှုမှာ ပါဝင်တဲ့ တော်လှန်ရေးတပ်ဖွဲ့ဝင်တွေကို ဂုဏ်ပြုကြောင်း တပ်မဟာ(၄) တပ်မမှူးက လက်မှတ်ရေးထိုး ထုတ်ပြန်ထားပါတယ်။
အဆိုပါဂုဏ်ပြုလွှာမှာ KNU ဘိတ်-ထားဝယ်ခရိုင် ဥက္ကဋ္ဌ လည်း ပါဝင်လက်မှတ်ရေးထိုး ဂုဏ်ပြုခဲ့ပြီး၊ ၈ ရက်ကြာ ထီးထာဗျူဟာစခန်းသိမ်းတိုက်ပွဲအတွင်း စွမ်းစွမ်းတမံတိုက်ပွဲဝင်ခဲ့ကြတဲ့ KNLA တပ်မဟာ(၄)နဲ့ မဟာမိတ်တော်လှန်ရေး အင်အားစုများကို အသိအမှတ်ပြု ဂုဏ်ပြုခဲ့ကြောင်း ဖော်ပြပါရှိပါတယ်။
ဗျူဟာစခန်းသိမ်းတိုက်ပွဲမှာ ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၄ ဌာနချုပ် တပ်ဖွဲ့တွေ၊ ကရင်အမျိုးသားလွတ်မြောက်ရေးတပ်မတော်- KNLA တပ်မဟာ(၄) တပ်ရင်း (၁၀)၊ တပ်ရင်း(၁၁)၊ တပ်ရင်း (၂ဝ၃)၊ KNLA တပ်မဟာ ၄- KNDO တပ်ရင်း (၇)၊ KNU - မြိတ်-ထားဝယ်ခရိုင် သစ်တောဌာန၊ အမျိုးသားညီညွတ်ရေးအစိုးရ(NUG) - ပြည်သူ့ကာကွယ်ရေးတပ်မတော်၊ ထားဝယ်ခရိုင် တပ်ရင်း- ၁၊ ထားဝယ်ခရိုင် တပ်ရင်း-၂ တို့နဲ့အတူ FFD - ဖက်ဒရယ်ဒီမိုကရေစီအတွက် အင်အားစု၊ KDSF - Karen Drone အထူးတပ်ဖွဲ့၊ Dragon Square UAV၊ ဘုတ်ပြင်းမြို့နယ် CDM ရဲတပ်ဖွဲ့၊ ထားဝယ်ပြည်သူ့လွတ်မြောက်ရေးတပ် - TPLF၊ KNPF-ကရင်အမျိုးသားရဲတပ်ဖွဲ့၊ Sky Ghost Drone တပ်ဖွဲ့၊ နယ်မြေအတွင်းရှိ ဒေသခံတွေ၊ KWO၊ KYO အဖွဲ့တွေ၊ ကျေးရွာလုံခြုံရေးအဖွဲ့တွေ၊ ကဆယ်ဒိုမြို့နယ်ခေါင်းဆောင်နဲ့ အဖွဲ့သားတွေ ပါဝင်တယ်လို့ ဂုဏ်ပြုမှတ်တမ်းလွှာမှာ ဖော်ပြပါရှိပါတယ်။
အလားတူ ထိုင်း-မြန်မာနယ်စပ်က မော်ဖားသူးတပ်စခန်းကို KNLA တပ်မဟာ ၇ နဲ့ KNDO ပူးပေါင်းတပ်တွေက ဧပြီ ၁၈ရက်ညပိုင်းမှာ စတင်ထိုးစစ်ဆင်တိုက်ခိုက်ခဲ့ပြီး ဧပြီ ၁၉ရက်မှာ စခန်းသိမ်းယူနိုင်ခဲ့ပြီလို့ သိရပါတယ်။
မော်ဖားသူး တပ်စခန်းဟာ ထိုင်းနိုင်ငံမဲဆောက်မြို့နဲ့ မြဝတီမြို့ နယ်စပ်မျဉ်းပေါ် ဒေါနတောင်အရှေ့ခြမ်းမှာ တည်ရှိပြီး အရှေ့တောင်တိုင်းစစ်ဌာနချုပ် (ရတခ) လက်အောက်ခံ သထုံမြို့အခြေစိုက် ခလရ ၂၄ တပ်ရင်းက အထိုင်ချတပ်စွဲထားတဲ့ စစ်တပ်စခန်းဖြစ်ပြီး သိမ်းပိုက်ခံရချိန်မှာ စစ်ကောင်စီတပ်သားတွေ စခန်းစွန့်ထွက်ပြေးသွားတယ်လို့ သိရပါတယ်။
တိုက်ပွဲတွေကြောင့် မြန်မာနိုင်ငံသား စစ်ဘေးရှောင် ၂၀၀ကျော်ကို ထိုင်းနိုင်ငံ တာ့ခရိုင် မှာ နေထိုင်ခွင့်ပြုထားကြောင်း ထိုင်းသတင်းဌာနတွေက ဖော်ပြခဲ့ပါတယ်။
စစ်ရှုံးလာတဲ့စစ်ကောင်စီဟာ ကရင်ပြည်နယ်နေရာအနှံ့ အရပ်သားတွေကို ပစ်မှတ်ထားလေကြောင်းတိုက်ခိုက်မှုနဲ့ လက်နက်ကြီးပစ်ခတ်မှုတွေ ဆက်တိုက်လုပ်ဆောင်လာတာကြောင့် ပြည်သူသေဆုံးမှုတွေလဲ မြင့်တက်နေပါတယ်။
#မော်ဖားသူး#ထီးထ
Доступные форматы для скачивания:
Скачать видео mp4
-
Информация по загрузке:
