Kamil Əhmədov — Bayatı-şiraz (1975) [İlk]

● Kamil Əhmədov 3 aprel 1920-ci ildə Bakıda doğulub. O, kiçik yaşlarından tara böyük maraq göstərir, tarda ifa etməyə çalışırdı. Kamil Əhmədov 1936-cı ildə 16 yaşında Azərbaycan Dövlət Musiqi Məktəbinin tar sinfinə daxil olur, 17 yaşında isə Azərbaycan Dövlət Filarmoniyasınıın Xalq Çalğı Alətləri Orkestrinə dəvət edilir. Tar sinfində dövrünün məşhur tarzənləri Mirzə Mansur və Əhməd Bakıxanovdan dərs alır.

1946-cı ildən ADMM-nə muğamat və xalq mahnıları sinfinə müəllim təyin olunur və Seyid Şuşinski ilə birgə çalışmağa başlayır. Onlar birlikdə 20 ildən çox fəaliyyət göstərirlər. S.Şuşinski vəfat etdikdən sonra Kamil Əhmədov 1996-ci ilə qədər burada pedaqoji fəaliyyətini davam etdirir.

K.Əhmədov zəngin pedaqoji fəaliyyəti ərzində çox sayda tələbə yetişdirib. Onlar sırasında Xalq artisti Ağasəlim Abdullayev, Xalq artisti Adil Bağırov, Əməkdar İncəsənət xadimi Məmmədağa Kərimov, Əməkdar mədəniyyət işçisi Əkrəm Məmmədli, Xalq artisti Elçin Həşimov və bir çox tanınmış tarzən var. O, 1965-cı ildə tərtib etdiyi "Muğamların tədrisi proqramı"-da ritmik muğamları iki hissəyə bölür, həmçinin muğamı yaddan çıxmış şöbələri ilə birlikdə dəstgah şəklində lentə alır.

Kamil Əhmədovun ifaları "Qızıl fond"-da qorunub saxlanılır.

Kamil Əhmədov musiqi alətləri düzəltməklə, eyni zamanda qədim sənət növlərindən biri olan sədəfvurma ilə məşğul idi. Onun sədəf vurduğu tar kamança, qaval, qoşa nağara 1977-ci ildə Moskvadà açılan xalq çalğı alətləri sarizinin eksnonatları olub.