“Më panë me armë në brez...”, dita që ndryshoi rrjedhën e dashurisë së Ardit për Migenën

#arditgjebrea# EdielaShqiptare #TvKlan #ardi #migena #dashuri #operacion #tumor #mirenjohje #mesazh #shkoder #italia
Gjithçka për Ardin dhe Migenën nisi më 15 shtator të vitit 1995! Ishte dita e parë e shkollës, kur sytë e Ardit takuan ata të Migenës, një shikim dhe një buzëqeshje dhe papritur e pakuptuar nisi një dashuri që do i mbijetonte gjithçkaje.

Historinë e dashurisë, sfidat dhe gëzimet i rrëfen me shumë emocion në rubrikën “Ka Një Mesazh Për Ty” te “E Diela Shqiptare”, Ardi.

Me dashurinë e tij të jetës, Migenën, janë njohur kur kanë qenë shumë të rinj. Pas përfundimit të shërbimit të detyrueshëm ushtarak të asaj kohe, Ardi nisi punë si polic në qytetin e tij të lindjes, Shkodër. Por takimet e tyre rrugëve të Shkodrës, nuk qenë pa rrezik, dikush pa Ardin me armë në brez që shoqërohej me Migenen. Kaq mjaftonte për të “ngritur” alarmin dashurisë të të rinjve.

Por, për Ardin dashuria për Migenën ishte aq e fortë sa që asgjë nuk e trembte për të çuar gjithçka deri në fund. Për të treguar se dashuria e tyre nuk ishte  thjesht një ‘kapriço’ e moshës, por që kishte baza të forta dhe qëllime reale, ai vendosi të takonte babin e Migenës...

Ardi: Jam këtu për dy gjëra të vogla. E para t’i kërkoj ndjesë bashkëshortes, gjysmës time, gjithmonë pjesës time më të mirë, ose si e quaj unë dritën e syve të mi, që nuk munda t’i jap atë jetën e premtuar, në ato vitet e fejesës dhe në vitet e para të njohjes.

Ardit Gjebrea: Si e njohe?

Ardi: Me Migenën jemi njohur më 15 shtator të 1995-ës, ishte dita e parë e shkollës. U prezantuam nga një mike e përbashkët, e përshëndes sepse më ke ndryshuar jetën!

Ardit Gjebrea: Sa vjeç ishte Migena?

Ardi: Migena ishte 16 vjeç dhe unë isha 19 vjeç. Gjatë vitit ’95-’96 unë kreva shërbimin detyruar ushtarak, pastaj për të mos qenë i papunë rrugëve të Shkodrës, ndenja polic. Shkodra e vogël është, nuk ka se është ndonjë vend i madh, dikush nga kishte parë dhe kishin shkuar te shtëpia e Migenës. ‘Migena shoqërohet nga një djalë’, se nga e kishin parë armën që unë mbaja në brez, nuk e di, por ishte arma e shtetit, nuk ishte e imja. Isha polic i shkreti, nuk kisha lidhje fare me pjesën tjetër.

Ardit Gjebrea: Pra i thanë që e kemi parë vajzën tënde me dikë që ka armë.

Ardi: Po dhe për Migenën dënimi i parë ishte që të mos shkonte në shkollë. Thashë do shkoj që të flas me vjehrrin.

Ardit Gjebrea: Pra ti tregoje që unë e kam seriozisht.

Ardi: Po, që e kam seriozisht, ti shkoja te shtëpia se kështu ishte atëherë.

Ardit Gjebrea: I shkove te shtëpia?

Ardi: Jo, nuk kisha guxim akoma! Thashë t’i shkoja atje ku punonte dhe punonte në një ndërmarrje shtetërore, në zyrë. I shkova në zyrë, hy brenda dhe i prezantohem. I thashë jam ai djali që do Migenën. Unë sot jam prind vetë dhe nuk e kuptoj dot edukatën dhe qetësinë e atij personi në ato momente. Pasi më lë ta fliste, ishte bërë shumë nervoz, por nuk e shprehte këtë. Hapi derën e zyrën, më përcolli dhe më tha do ju kalojë edhe ty edhe asaj.
E Diela Shqiptare, programi më popullor në të gjitha familjet shqiptare, vjen çdo të diel. Një program i cili përfshin një fashë orari maratonë, prej 6 orësh transmetim live. Struktura e programit: “Ka një mesazh për ty”, “Quiz me 5 Yje”, “Të panjohurit”, “Kujdes shëndetin”, “Telebingo shqiptare”, “Shihemi në gjyq”, “Power Kidz”, etj. Ndërsa që prej vitit 2003, bashkëprodhon me Klan festivalin më prestigjioz të muzikës moderne shqiptare, “Kënga Magjike”, live nga Pallati i Kongreseve.

#EDielaShqiptare #ArditGjebrea #TVKlan