ՈՒԽՏ ԱՐԵՑԻ․ Խոսք՝ Հասմիկ Սարգսյանի․ Երաժշտ․՝ Մարի Սարգսյան-Չինկեզյանի․ Կատարում է Մագդա Մկրտչյանը
Автор: Hasa Sargsyan
Загружено: 2025-06-28
Просмотров: 88
ՈՒԽՏ ԱՐԵՑԻ․․․
Խոսք՝ Հասմիկ Սարգսյանի․
Երաժշտությունը՝ Մարի Սարգսյան-Չինկեզյանի Mari Sarkisian-Chinkezyan․
Կատարում է ՀՀ վաստակավոր արտիստ Մագդա Մկրտչյանը Magda Marian Soprano․
Դաշնամուրային նվագակցությունը՝ Նունե Մելիք-Վրթանեսյանի Nune Melik-Vrtanesyan
2025 թ․ հունիսի 17, Հայկական պետական մանկավարժական համալսարան
ՈՒԽՏ ԱՐԵՑԻ
Ուխտ արեցի Քառասնից վանք
Խաչվերացի ծեգը-ծեգին,
Լույսը հազիվ վար էր իջել
Բարձրիկ սարի թավշե կրծքին:
Նահանջեցին մութ ձորերից
Ստվերները կամաց-կամաց,
Ամպի ծվեն ասես հեռվից
Խաչ-պատկեր էր երկրի վրա:
Քայլեցի ես՝ քրտինք դարձած,
Դեպ բաղձալի իմ սրբավայր,
Դեպ ավերակ գավիթ ու սյուն,
Հազիվ կանգուն խորան, կամար:
Նեղ արահետ ինձ ուղեկցեց
Մինչև քարից բխող աղբյուր,
Ես գլուխս խոնարհեցի
Պագանեցի սուրբ հող ու ջուր:
Ծունկ թեքեցի՝ շուրթս հասնի
Անդունդ թափվող աղբրի ակին,
Ծաղկանց համը մեջը քամած
Սառն, կշտացնող մեղրաջրին:
Թիկն տվեցի ծեր խաչքարին,
Ո՜վ է հանգչում, տեսնես, ներքո,
Ի՜նչ էր ուզում նա աշխարհից,
Արդյո՞ք գնաց ափսոսանքով...
Վարպետաց ձեռք կամարներին
Ժանյակներ էր մեղմ քանդակել,
Թողել, իբրև սուրբ ձեռագիր,
Ակնահաճո նուրբ պատկերներ:
Հավերժության ակը գետնին
Ժամանակն է լուռ հոլովվում,
Որ դյուրությամբ ինք պտտի,
Ուժ պիտի տանք, տեղը ընկնի:
Տուն ետդարձին սարը մթնել,
Գորշ ամպերն էր հոնքին քաշել,
Ես այն վանքից ծարավ իջա,
Անհնար էր հեշտ հագենալ:
Հասմիկ Սարգսյան
ՀԱՅՐԵՆԻՔԸ ԲԱՌ ՉԷ բանաստեղծությունների ժողովածու
Доступные форматы для скачивания:
Скачать видео mp4
-
Информация по загрузке:
