Bakıda Yaşamaq Üçün ƏN PİS 10 YER Hansılardır? - ŞOK OLACAQSINIZ!

#baki #azerbaycan #bölgə
Bakıda yaşanması ən pis 10 yer hansılardır?
Bakı şəhəri günü-gündən böyüyür, amma rahatlıq əksinə getdikcə yoxa çıxır. Hər kəs paytaxta yaxın olmaq istəyir, amma bir çoxları şəhərin səs-küyü, tozu, tıxacı içində nəfəs ala bilmir.
Elə yerlər də var ki, gündəlik həyat orada sanki sınaq kimidir — səhər işə çıxmaq bir macəra, axşam evə dönmək isə səbr testidir.
“Yerin Qulağı” kanalı Bakıda yaşanması ən çətin 10 yeri araşdırıb:
Bu ərazilərdə problem eyni deyil — bəzisində tıxac, bəzisində infrastruktur, bəzisində sakitlik yoxluğu... Amma hamısında bir ortaq cəhət var: bu yerlərdə yaşamaq üçün dözüm lazımdır.
Bəli, Bakının problemləri çoxdur, tıxac da başda gəlir. İllər keçdikcə tıxacların sayı daha da artır. Həll yolu isə, yoxdur. Vətəndaşlar işə, tələbələr universitetə, şagirdlər isə məktəb vaxtında çata bilmir.
Budur Bakıda yaşanması ən pis 10 ərazi:
10-cu yerdə Xırdalan gəlir.
Xırdalan bir vaxtlar Bakıdan kənarda sakit bir şəhərcik idi, amma indi paytaxtla birləşib, sıx yaşayış məntəqəsinə çevrilib. Əhalisi 200 mindən çoxdur. Burada ən böyük problem tıxacdır. Səhər Bakı istiqamətinə çıxmaq, axşam geri dönmək bəzən 2 saatdan çox çəkir. Təsəvvür edin, Xırdalandan Bakıya qədər məsafə 5 kilometrdir, çox qısa məsafədir. Normal vəziyyətdə 10 dəqiqəlik yoldur, ancaq insanlar 2 saata bəzən gəlib çatırlar. Yeni binalar çoxdur, amma planlaşdırma zəifdir — yollar dar, park yerləri az, həyətlər bəzən tikililərin arasında itir. Əyləncə və istirahət məkanları azdır, insanların çoxu yenə də iş və əyləncə üçün Bakıya gəlir.
9-cu yer Masazır -
Masazır son illərdə çoxlu yeni yaşayış kompleksləri ilə dolub, amma bu artımla birlikdə kommunal və yol problemləri də artıb. Ən böyük narazılıq — su və qaz təchizatı, həm də daimi tıxaclar. Yollar dar, evlər sıx, bəzən elə olur ki, bir küçədən çıxmaq üçün 10-15 dəqiqə vaxt sərf olunur. Ətrafda böyük park və ictimai sahə azdır. İnsanların çoxu evdə qalmağa üstünlük verir, çünki gəziləsi, dincələsi yerlər azdır. Yaxınlıqda duz gölü var, amma təəssüf ki, o da istirahət üçün deyil, daha çox ekoloji problem kimi qalır. Masazır eyniadlı gölün sahilində yerləşir. Kənd Bakıdan 16 km aralıda yerləşir. Əhali sayı 150 min nəfər ətrafında dəyişir.
8-ci yerdə Yeni Yasamal ərazisi gəlir.
Yeni Yasamal əvvəllər şəhərin ən perspektivli hissələrindən biri sayılırdı. Amma tikinti bumundan sonra bura sıxlıq və xaos mərkəzinə çevrilib. Yollar dar, binalar bir-birinə çox yaxındır. Hər həyətdə onlarla maşın, az park yeri, bol səs və stress. İstirahət parkları az, yaşıllıq məhdud, tıxac isə daimi problemdir. Sakinlərin çoxu bu ərazidə ev almağa peşmandır, amma evini satmaq da çətindir — çünki hamı eyni problemdən qaçır. Müxtəlif relyefli ərazidə yerləşir. Yasamal rayonunun qərbindədir. Bir tərəfi Qaradağ rayonu ilə sərhəddir. Mənası ilə bağlı fikirlər müxtəlifdir. “Yeni Yasamal” adlanan əraziyə qədər maldarlıq güclü inkişaf edibmiş. Bir-birindən soruşurmuşlar ki, “hara gedirsən?”. O biri də cavab verirmiş ki, “yasa mal almağa gedirəm”. Elə həmin “yasa mal almaq” ifadəsindən “Yasamal” sözü yaranıb. Sizcə nədir mənası?
7-ci yer 28 may
28 May Bakının mərkəzi ərazilərindən hesab olunur. Hər cür insfrastruktur var. Ancaq problemi böyükdür. Tıxac və sıxlıq. Mərkəzdə yerləşməsinə baxmayaraq, 28 May Bakıdakı ən səs-küylü, izdihamlı ərazilərdən biridir. Burada yaşamaq o deməkdir ki, gecə saat 12-də belə küçədən səs gələcək. Avtomobil sıxlığı, daimi tıxac, park yeri problemi və havanın çirkli olması buranı gündəlik həyat üçün çətinləşdirir. Bütün rahatlıqlar əldən çıxmır — mağazalar, restoranlar, metro yaxınlığı var — amma sakitlik və nəfəs almaq üçün yer yoxdur.
6-cı yerdə Şamaxinka - yəni Alatava ərazisi gəlir.
Şamaxinka ərazisi çoxdan Bakı tıxaclarının simvoluna çevrilib. Hər gün səhər və axşam saatlarında burada kilometrlərlə maşın sırası olur. Ərazidə çoxlu köhnə binalar, dar yollar və ağır nəqliyyat axını var. Toz, səs və daimi hərəkət bura yaşayanları yorur. Park və istirahət zonaları az, əyləncə və sosial həyat da zəif inkişaf edib. Bakıya rayonlardan gələnlər bu ərazidə 1 saat ən azı tıxacda qalırlar. Təsəvvür edin edin Şamaxıdan Bakıya 1 saatdırsa, elə Şamaxinkadan da Bakı mərkəzinə 1 saata çatırsan. Halbuki yol normal olarsa 2-3 dəqiqəlik yoldur.
5 - ci yer Kənd Binə
Binə ərazisinə görə Bakının Maştağadan sonra ən böyük ikinci qəsəbəsidir. Binə kəndi hava limanına yaxın olsa da, şəhər həyatından uzaqdır. Bəzi hissələrdə su, işıq və kanalizasiya ilə bağlı çətinliklər hələ də qalır. Kənddə yollar dar, asfalt örtüyü natamam, ictimai nəqliyyat çox məhduddur. Park, uşaq meydançası, ya da normal istirahət zonası demək olar ki, yoxdur. Bəzi yerlərdə kənd həyatı havası qalır, amma müasir şərait baxımından orada yaşamaq hər kəs üçün rahat deyil.Həmçinin Milli Aviasiya Akademiyası da burada yerləşir.
4-cü yerdə Koroğlu metrosu ətrafı gəlir.