مهداه لصاحب السمو الملكي الأميرعبدالعزيز بن فهد بن عبدالعزيز | كلمات مشعل بن عون اداء : خالد ال بريك
Автор: ماجد السبيعي - Majed
Загружено: 2023-09-18
Просмотров: 29109
🔸مهداه لصاحب السمو الملكي الأمير🔸
عبدالعزيز بن فهد بن عبدالعزيز
كلمات مشعل بن عون
اداء خالد ال بريك
تصميم ماجد السبيعي
iiw2w2
يارب وأنت الملتجى والمستعان
يا واحدٍ ماغيرك أحدٍ نطلبه
تفزع لمنهو ضايقٍ فيه المكان
يدرج به الهاجس ويمسح بشنبه
البارحه ما بين خوف وبين أمان
وعيون خلق الله علينا مرقبه
تدرون ويش أكبر تحدي وأمتحان ؟
ليا نصوك الناس في عتق رقبه
وباقي ربع ساعه ويتلون البيان
والسيف والسيّاف جاهز لطلبه
الحمدلله والشكر والامتنان
ماينكتب للعبد شيٍ ما كِتبه
أدعو معي بين الإقامه والآذان
الله يطول عمر من فك نشبه
عبدالعزيز اللي زهاه الصولجان
إبن فهد لـ عد كّلٍ منسبه
عبدالعزيز العز وأشهد يازمان
ماله وصيف ولا مثيل ولا شبه
اللي ليا جيته وأنا عشري ثمان
الكايده عني حملها منكبه
مطوع الصعبات بإشارة بنان
وإن سيق فنجال المصايب يشربه
ياكثر ما أعتق من رقاب وعز شان
غير القصور اللي يقدمها هبه
وياكثر شيٍ ماتبيّن للعيان
ويحذّر انّا نعلنه او نكتبه
المعجزات بعصرنا صارن ثمان
وأسمه من التاريخ محدٍ يشطبه
عزالله أنه من بعد ربي آمان
ويفرق عن أهل الفضل بأعلى مرتبه
إليا أرتكى لك طوّع ظروف الزمان
ومنهو دخل بحماه محدٍ يقربه
من ياصله ياصل الى بر الامان
ومن يزبنه يامن ويدرك مطلبه
Доступные форматы для скачивания:
Скачать видео mp4
-
Информация по загрузке:
