Ərdoğan-İmamoğlu savaşı, yoxsa korrupsiya cinayəti?

O, tarix boyu çox əldən-ələ keçib. Roma, Bizans və Osmanlı dönəmində müxtəlif imperatorlar tərəfindən idarə olunub. Uğrunda çox savaşlar verilib. Bu gün də savaş davam edir. “Başında əski aləmlərin sərxoşluğu, dinmiş fırtınaların uğultusu içində, İstanbulu izləyirəm gözlərim qapalı” deyirdi şair. Bu gün bütün dünya İstanbulu izləyir. Amma gözləri açıq. Nə sirli tarixi keçmişi, nə möhtəşəm gözlliyi, nə qitələri birləşdirən boğazı. Onu dünyanın dilinə salan siyasi burulğanlardır. Onun adını 2019-cu ilə qədər çox az adam eşitmişdi. Gün gələcək Rəcəb Tayyib Ərdoğanın rəqibi kimi siyasi səhnədə görünəcəkdi. Əkrəm İmamoğlu. İstanbul bələdiyyəsinin CHP-li və həbsdə olan sədri. Sakit bitən bir axşamın sabahı siyasi qalmqala oyanmışdı İstanbul. Bələdiyyə sədri korrupsiya və terror qruplaşmalarına yardımda ittiham olunurdu. Onunla bərabər daha onlarla insan həbsə göndərildi. Bununla da İstanbulda etirazlar başladı. Aksiyalar tədricən digər şəhərlərə də yayıldı. (CHP həbsi siyasi sifariş hesab edir. İmamoğlunun həbsi onun prezident seçkilərinə namizəd kimi irəli sürülməsi ərəfəsində baş verdi. Təxminlər belədir ki, həbsdən bir neçə gün sonra CHP gələcək prezidentliyə namizəd kimi məhz İmamoğlunu seçəcəkdi. Müxaliftəçilərə görə, İmamoğlunu həbs etməklə Ərdoğan öz ən ciddi rəqibini siyasətdən uzaqlaşdırmaq istəyib. İqtidar partiyası isə baş verənlərdə CHP-ni günahlandırır. Öz daxillərində çəkişmə var, İmamoğlunun qanunsuz hərəkətlərini elə özləri ifşa ediblər deyir. AKP bəyan edir ki, qanun qarşısında hər kəs eynidir. Statusundan asılı olmayaraq, kimsə cinayət törədibsə, məhkəmə qarşısında cavab verməlidir. Gəzi parkı etirazlarından sonra Türkiyə son 10 ilin ən böyük siyasi böhranı ilə üz-üzədir. Ərdoğan-İmamoğlu savaşı, yoxsa İstanbul merinin korrupsiya cinayətləri? İmamoğlu doğrudan da Ərdoğan üçün ciddi rəqibdirmi? Bundan sonra Türkiyədə nələr olacaq? Bütün dünya çalxalanan Türkiyənin necə sakitləşəcəyini gözləyir.



Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet