ملاح النعيمية حبيب الكل حنعمله بي طريقتين.. حسب المتوفر عندكم...# عمايل يوما

ملاح النعيمية ده مفروض يكون الملاح القومي السوداني.. ما حصل لاقاني زول ما بحبه.. أبرز حاجة في الملاح الظابط انه يكون فيه نكهة البصلة المحمّرة، والروب الفيه شوية تخمير، والدكوه (زبدة الفول السوداني)... الفيديو بشرح كيف نظبط النكهات دي بي طريقتين... بي بصلة طازجة ولحمة مفرومة .. أو بي شرموط (لحمة مجففة) وبصلة محمّره... عندي كم نقطة عايزه اقولهم برضه
انا بعمل ملح وفلفل وكزبرة بس في النعيمية، بحس أي بهارات تانية بتخرب النكهات الاساسية بتاعتها... في الفيديو نسيت اوريكم لمن اضيف الملح والفلفل 🙈
-لو البصلة عندكم مجففة بس ما محمّرة، ارفعوا الزيت على نار متوسطة.. وبعد يشخن شويييية بس.. شيلوه من النار وكبوا البصلة.. عشان تتحمر بره النار.. البصلة لانها ناشفة بتتحمر شديد.. لو ختيتوها طوالي في الزيت الحار ممكن تتحرق
-الزبادي أو الروب ممكن تخمروه قبلها بي يوم.. يقعد بره ليلة ليلتين حسب حرارة الجو عندكم.. وممكن عصرة ليمون تساعده.. ولو مستعجلين اعملوا حركة ملح الليمون.. بس ما تكتروا.. انا جادة، 3 حبات منه كافية جدا تديكم الطعم العايزينه..
-النعيمية بالعصيدة بيكون قوامها اتقل من النعيمية بالكسرة... بنتقلها بالويكة..
-الويكة بعد نضيفها للملاح نديه فرصة يغلي شويه بس وبعداك نطفي النار.. لو استمرينا نغلي الملاح في النار، الويكة حتقطع..
-بعد ينتهي الملاح، غطوه بي غطاء الحلة لكن بي زاوية كده.. يعني خلوا ليه مساحة يطلع البخار.. عشان ما يقطع

F A C E B O O K P A G E:
  / yomafood  
I N S T A G R A M:
  / yoma_food  
T W I T T E R:
  / yoma_food