உருவான பிள்ளையார் கரங்கொண்டு தான்செய்த உமையவளே உலகாளவா

உருவான பிள்ளையார் கரங்கொண்டு தான்செய்த உமையவளே உலகாளவா
தெருவினில் அழுதிட்ட பிள்ளைக்கு பாலீந்த பைங்கொடியே பாராளவா

திருநடனம் தில்லையில் தினங்காட்டும் திரிசூலி தொழுகின்றேன் உனை தினமே
பெரு வெடிப்பில் பேரண்டம் படைத்திட்ட பெரும் சக்தி பார் எனை ஒரு கணமே
திருமகள் கலைமகள் தேவரும் மூவரும் தொழுதிடும் சுந்தரியே
அறுமுகன் ஐங்கரன் ஐவரைப் பெற்றிட்ட அருள் தரும் அந்தரியே

உருவான பிள்ளையார் கரங்கொண்டு தான்செய்த உமையவளே உலகாளவா
தெருவினில் அழுதிட்ட பிள்ளைக்கு பாலீந்த பைங்கொடியே பாராளவா

விரிசடை வேந்தனின் பருகிய விடம் தனை அமுதாக்கும் அருள்
அன்னையே
அரு உரு வான லிங்கத்தின் அம்சமாய் தோன்றிடும் அருள் உண்மையே
அருமைமிகு செந்தமிழ் அமுதமென ஆறாக பாடவைத்த பட்டரையே
பெருமைமிகு நம்தமிழ் நாட்டினில் அந்தாதி அளித்திட்ட அபிராமியே

உருவான பிள்ளையார் கரங்கொண்டு தான்செய்த உமையவளே உலகாளவா
தெருவினில் அழுதிட்ட பிள்ளைக்கு பாலீந்த பைங்கொடியே பாராளவா

வரம் வேண்டி நிற்போர்க்கு வள்ளலாய் உருக்கொண்டு வற்றாத உன் கருணையை
கரங்கொண்டு அருளிடும் கற்பகத் தருவான கற்பகம் எனும் அன்னையே
உரங்கொண்ட நெஞ்சையும் அருள் கொண்டு உருக்கிடும் உள்ளொளி ஆனவளே
சிரத்தினில் பிறைசூடும் சிவனார்க்கும் சீவனாய் சொல் ஓளி தான் அவளே

உருவான பிள்ளையார் கரங்கொண்டு தான்செய்த உமையவளே உலகாளவா
தெருவினில் அழுதிட்ட பிள்ளைக்கு பாலீந்த பைங்கொடியே பாராளவா

பொருள்: சொல் ஓளி - சொல்லில் சத்தியம்

பாடல்களில் சில நேரங்களில் எழுத்துப்பிழை நிகழ்ந்து விடுகிறது. என் பணிச்சுமையின் காரணமாகவும் மேலும் மேலும் பாடல் வெளியிடுவதில் தாமதமாவதாலும் கவனக்குறைவைப் பெற்றுவிடுகிறேன். ஒரு மொழியில் பிழை செய்வதை பெரிய குற்றமாகக் கருதுவதால், அந்த தவறுக்காக உங்கள் அனைவரின் முன்னும் தலைகுனிந்து மன்னிப்புக் கோருகிறேன். 🙏🙏🙏