Agim Sulaj, në panteonin e artistëve të famshëm

Maritim Plaza Hotel në Tiranë është kthyer prej vitesh në shtëpinë mikpritëse të artistëve të penelit.
Një sipërfaqe e konsiderueshme plot dritë dhe arkitekturë moderne, me bujari të admirueshme, është vënë në shërbim të piktorëve për të ekspozuar veprat e tyre.
Ajo ngjan si një galeri arti ku sundojnë ngjyrat dhe motivet e larmishme nga vendet historike dhe turistike të Shqipërisë, portretet dhe natyrat e qeta.
Artisti i mirënjohur Agim Sulaj, është rikthyer në “Maritim Plaza Hotel” për të 9-tin vit radhazi me Ekspozitën “Rrënjët”. Ky emërtim është një metaforë që flet për lidhjet e ngushta të artistit që punon e jeton në Europë me atdheun e tij.
Peneli i tij ka kapërcyer kufijtë të vendlindjes për të hyrë në panteonin e artistëve me famë botërore.
Piktori dhe karikaturisti Agim Sulaj, fitues i 270 çmimeve ndërkombëtare, ka vendosur një rekord të papërsëritshëm për artin shqiptar.
Ai ka ekspozuar disa herë edhe në Kinë ku është nderuar me çmime prestigjioze.
Në muzeun Jaxing ndodhet piktura e tij “Valixhja e emigrantit”. Veprat me motivin, simbolikën dhe metaforën e valixhes janë kthyer prej vitesh në identitetin e artistit shqiptar.


Ndiqni “Ejani Tiranë” dhe “Radio Ejani”

Ndiqni kanalin “Ejani Tiranë” në YouTube: https://bit.ly/3CJultB
Ndiqni “Radio Ejani” në Facebook: https://bit.ly/3AAPF3P
Ndiqni “Radio Ejani” në Twitter: https://bit.ly/2W9VNB4
Shkarkoni aplikacionin “Ejani” në App Store: https://apple.co/2XDhmKC dhe Play Store: https://bit.ly/3CEdMPx

Për më shumë klikoni në uebsajtin tonë: http://albanian.cri.cn/