ಕನ್ನಡದಲ್ಲಿ,ಮಾಮುನಿತನಿಯನ್.ಆಂಡಾಳ್ಆಣತಿ, ತಿರುಪ್ಪಾವುತನಿಯನ್. ಡಿಸ್ಕ್ರಿಪ್ಶನ್ ನಲ್ಲಿ ಹಾಡುಇದೆ. ಅನುವಾದ ಅನ್ನಪೂರ್ಣ

ಮಣವಾಳ ಮಾಮುನಿ ತನಿಯನ್*


ಶ್ರೀಶೈಲಾಚಾರ್ಯರು ದಯೆಗೆ ಪಾತ್ರರು 

 ಜ್ಞಾನ ಭಕ್ತಿ ಪರಿಪೂರ್ಣರೂ

ಯತಿರಾಜರಿಗೆ ಪ್ರೀತಿ ಪಾತ್ರರು

ಮಣವಾಳ ಮಾಮುನಿಗೆ ವಂದನೆಯೂ//

       ಕೂರತ್ತಳ್ವಾರ್

ಲಕ್ಷ್ಮೀನಾಯಕ ನಾರಾಯಣ  ಶ್ರೀನಾಥ 

ಮುನಿಗಳು ಶ್ರೀ ಅಳವಂದಾರು 

ಗುರು ಪರಂಪರಾಚಾರ್ಯರ ಪಂಕ್ತಿಗೆ 

ಸೇವಿಸುವೆವು ಸರ್ವಕಾಲಕೇ//

   ಸರ್ವೇಶ್ವರರ ಸಿರಿ ಚರಣವಲ್ಲದೆ 

ಇತರ ವಿಷಯಗಳ ಕ್ಷುಲ್ಲಕವಾಗಿ

ತಿಳಿದಿಹ ಪೂಜ್ಯರು ರಾಮಾನುಜರ 

ಸಿರಿಪಾದಗಳಾ ಸೇವಿಸುವಾ//

    ಆಳವ 

ಜನನೀ ಜನಕರು ಸ್ತ್ರೀಯರು ಪುರುಷರು 

 ವಂಶದ ಜನರು ನೇಮದಿಂದಲಿ

 ಆಳ್ವಾರರ ಸಿರಿಪಾದದ್ವಯವಹ

ಶಠಗೋಪರಿಗೆ ವಂದನೆಯು// 

       ಶರಣಾಗತರು ಮನೋಹರವಾದ 

ಪಾರಿಜಾತದಿ ಪೂಜಿಸುವಾ 

ಶ್ರೀ ಶಠಗೋಪರ ಪಾದಯುಗಳವ

 ಶಿರದಿಂದಲೀ ಸೇವಿಸುವಾ//

         ಪರಾಶರ್ ಭಟ್ಟರ್ 

ಪೂದತ್ತಾಳ್ವಾರ್ ಪೊಯ್ ಗೈಯ್ಯಾರರ

ಪೇಯಾಳ್ವಾರು ಪೆರಿಯಾಳ್ವಾರರ

ತಿರುಮಳಿ ಶೈಯ್ಯಾಳ್ವಾರ್ ಕುಲಶೇಖರರಾ

ತೊಂಡರಡಿಪ್ಪಾಯಾಳ್ವಾರರ//

     ತಿರುಮಂಗೈಯ್ಯಾಳ್ವಾರ್ ನಮ್ಮಳ್ವಾರರ

ಪೂಜ್ಯರಿಹ ಯತಿರಾಜರರಾ

ನಿರತವಾಗಿ ಸೇವಿಸುವವನು 

 ಸಿರಿಪಾದಗಳ ನಮಿಸುತಲೀ//

   ಆಂಡಾಳ್ ತಿರು ನಕ್ಷತ್ರ 

ಕರ್ಕಾಟಕ ಪೂರ್ವ ಫಲ್ಗುಣಿ 

ತುಳಲಸೀ ಕಾನನದಲಿ ಜನಿಸಿರುವ 

ಪಾಂಡ್ಯದ ವಿಶ್ವಂಭರ ಗೋದೆಗೆ 

ವಂದಿಪೆ ಶ್ರೀ..ರಂಗನಾಯಕಿಗೆ//


ಆಂಡಾಳಮ್ಮ ಆಣತಿ ಗೈದ ಸಿರಿಗಾನ


ಗೋದಾದೇವಿ ಕೋರಿ ಭಜಿಸುವಾ

 ಗೋಕುಲನಾಥನ ಚರಿತೆಯನು

 ಪೆರಿಯಾಳ್ವಾರರ ಮುದ್ದಿನ ಕುವರಿ 

ಹಾಡಿದ ಹಾಡನು ಕೇಳೆಬನ್ನಿ//

   ಗೋಕುಲ ವಾಸನ ಗೋಪಿಕ ಲೋಲನ 

 ಕೋರಿ ಭಜಿಸುವ ಬನ್ನಿರೈ

ಗೋದಾದೇವಿ ಕೋರಿಕೆ ನೀಡಿದ 

 ರಂಗನಾಥನ ಗಾನವನೂ//

      ಕ್ಷೀರಸಾಗರಶಾಯಿಗೆ ಲಕ್ಷ್ಮೀ

 ಪಾದಗಳನ್ನು ಒತ್ತುತ್ತಿರಲು

 ಜನನ ಮರಣ ರಾಹಿತ್ಯಕೆ ಎಂದು 

ಉಪಾಯವನ್ನು ಕೇಳಿರಲು//

     ಪನ್ನಗ ಶಾಯಿ ಬುವಿಯ ಕುವರಿಗೆ 

ಪ್ರಿಯ ವಚನಗಳಾ ಇಂತೆಂದಾ

 ತಿರುತ್ತುಳಾಯಿ ಪುಷ್ಪಮಾಲ 

ಕೈಂಕರ್ಯವು ಎನಗೆ ಶ್ರೇಷ್ಠವು//

   ಈ ರೀತಿಯಲಿ ಭಕ್ತರೆಲ್ಲರು

 ಶ್ರದ್ದೆಯಿಂ ನನ್ನೇ ಸೇವಿಸುತಾ

ಪ್ರಕೃತಿ ಬಂಧದಿ ಬಿಡುಗಡೆ ಹೊಂದಿ 

 ಪರಮ ಪದವನು ಹೊಂದುವರು//


ತಿರುಪ್ಪಾವು ತನಿಯನ್ 

ಆಂಡಾಳಮ್ಮ ಆಣತಿಯಿತ್ತಾ

 ತಿರುಪ್ಪಾವೆನೆ ಪ್ರಬಂಧವು 

ಭಾಗವತೋತ್ತಮರೆಲ್ಲರೂ ಸೇರಿ 

 ಪರಂಧಾಮನಾ ಭಜಿಸುತಿರಿ// 

   ರುಕ್ಮಿಣಿ ದೇವಿಯ ಜೊತೆಗೂಡಿ 

 ಕೃಷ್ಣ ಸ್ವಾಮಿಯ ಜಾಗರಗೊಳಿಸಿ 

ದಾಸ್ಯಗೊಳ್ಳುವ ಆಸಕ್ತಿಯವಳ 

 ಶ್ರೀ ಆಂಡಾಳಿಗೆ ವಂದನೆಯು//

         ಹಂಸ ನಡಿಗೆಯ ಆಂಡಾಳಮ್ಮ

ಅನುಸಂಧಾನ ರೂಪದಲೀ

 ಗಾಯನ ರೂಪದಿ ಪ್ರಸಾದಿಸಿದಾ

 ಕುಸುಮಮಾಲೆಯ ಧರಿಸಿದಳು// 

     ವಿಲ್ಲಿ ಪುತ್ತೂರಲಿ ಅವತರಿಸಿರುವಾ 

ಶೂಡಿಕೊಡುತ್ತನಾಚರರೂ

ರಂಗನಾಥನಿಗೆ ಸಮರ್ಪಿಸಿದಾ

 ಗೋದಾಗಾನವ ಮಾಡುತಿರಿ//

     ತಕ್ಕ ವಯಸ್ಸಿನ ಆಂಡಾಳಮ್ಮ 

ತನಗೆ ಪತಿಯು ರಂಗನೆಂದು 

ತಾನು ಧರಿಸಿದ ಪ್ರೇಮ ಮಾಲೆಯ 

 ರಂಗನ ಕೊರಳಿಗೆ ಹಾಕಿದಳು//

      ಶ್ಯಾಮಸುಂದರನ ವಿವಾಹವಾಗಲು 

 ಶ್ರೀನಿವಾಸನ ಪ್ರಾರ್ಥಿಸುತಾ

 ದಿನ ಮೂವತ್ತು ಸಖಿಯರ ಕೂಡಿ 

 ಉತ್ತಮ ವ್ರತವನು ಮಾಡಿದಳು//


ಬಂಗಾರು ಪೇಟೆಯ ಶ್ರೀಮತಿ 

ರಾಜಲಕ್ಷ್ಮಮ್ಮನವರು ತೆಲುಗಿನಲ್ಲಿ 

ರಚಿಸಿದ್ದುದರ ಕನ್ನಡ 

ಅನುವಾದ ಹಾಗೂ ಗಾಯನ 

ಅನ್ನಪೂರ್ಣ ಹೇಮಚಂದ್ರ.