Жұма уағыз/Бірінші байлық-денсаулық/Қонақбаев Ғалымжан/ABU BAKIR SYDDYQ мешіті/Жаңатас қаласы/

Жаратқан Алла Тағалаға сансыз мадақ, ардақты Пайғамбарымыз Мұхаммед Мұстафаға көптеген салауат пен сәлем жолдаймыз.

Аса рақымды, ерекше мейірімді Алланың атымен бастаймын.

 

Алла Тағала бізге көрінетін де, көрінбейтін де сансыз нығметтерін молынан сыйлады. Сол ең ұлы нығметтердің бірі – денсаулық пен амандық, яғни өмірдің рахатын бұзатын түрлі аурулар мен қиындықтардан аман болу.

Денсаулық – сау адамдардың басындағы тәж, оның қадірін тек ауруға шалдыққандар ғана шынайы түсінеді. Бірақ адамдар денсаулық пен амандыққа тым үйреніп кеткендіктен, көбіне оның құндылығын сезбей, шынайы бағалай алмай жатады.

Абыз ақсақал Әсет биге айтқан өсиетінде әрбір нығметтің қадірін жанымызға батқанда ғана түсінетінімізді ескертіп:

Аяқ-қолдың қадірін ақсағанда білерсің.

Отыз тістің қадірін қақсағанда білерсің.

Қызыл тілдің қадірін тоқтағанда білерсің – деген екен.

Алла біздің денімізге саулық берді, ал науқастарды дертпен сынады. Мұның бәрі пендені бойындағы нығметтерді ой елегінен өткізіп, өзіне үңілуге шақырады. Біз осы нығметтерге шүкір ете білдік пе? Оларды Алланың разылығына сай пайдаланып жүрміз бе?

Сол себепті Пайғамбарымыз (оған Алланың салауаты мен сәлемі болсын) өзінің хадисінде:

مَن أَصْبَحَ مِنكُم آمِنًا في سِرْبِهِ، مُعافًى في جَسَدِهِ، عِندَهُ قُوتُ يَومِهِ، فَكَأَنَّما حِيزَتْ لَهُ الدُّنْيا

«Сендерден кім таңды үйінде амандықта атырса, дені сау болса және бір күндік несібесі жанында болса, оған – бүкіл дүние түгелімен берілгенмен тең», – деген (имам Тирмизи).

Яғни, адамға ең қажет үш нәрсе – амандық, денсаулық және жеткілікті бір күндік азық-түлік берілсе, оның өмірі толыққанды болып, еш нәрсеге мұқтаж болмайды. Алла берген осы нығметтер үшін әрбір адам шүкіршілік етуі тиіс.

Қисса

Бір күні сахабалар мәжілісте үнсіз отырған еді. Сол сәтте есік жақтан нұрлы бір бейне көрінді. Бұл ардақты Пайғамбарымыз (оған Алланың салауаты мен сәлемі болсын) еді. Оның шашынан тамған судың ізі жарқырап тұрғандай болды. Сахабалар оған құрметпен, тамсана қарап:

Уа, Алланың Елшісі! Бүгін көңіліңіз ерекше жайлы көрініп тұрсыз, – деді.

Пайғамбарымыз (оған Алланың салауаты мен сәлемі болсын) сабырлы үнмен:

Иә, – деп жауап берді.

Осыдан кейін мәжіліс ішіндегі әңгіме байлық жайында өрбіді. Сонда Пайғамбарымыз (оған Алланың салауаты мен сәлемі болсын) бізге қарап, жүрекке терең жететін сөз айтты:

Алладан қорқатын адамға байлықта айып жоқ. Бірақ Алладан қорқатын жан үшін тәннің саулығы байлықтан да артық. Ал көңілдің жайлылығы Раббысының құлдарына берген ең үлкен нығметтердің бірі, – деді.

Жалғасы: https://www.muftyat.kz/kk/nasihat/zhu...

#алла #бакара #бақара #ғибадат #құран #аллоху #аллах #уағыфз #eidmubarak #бахара