Tv Klan - Nis të marrë jetë ByPassi i Tiranës

Krahas Unazës së Madhe që përfundoi vitin shkuar, Tirana do të ketë edhe një ByPass, projekti i të cilit ka nisur të marrë formë.

Autoriteti Rrugor Shqiptar ka shpallur tenderin për ndërtimin e ByPassit jugor të Tiranës, një vepër strategjike që pritet të lehtësojë ndjeshëm trafikun në hyrje-dalje të qytetit.

Me një gjatësi prej me shumë se 21 kilometrash, ByPassi do të lidhë zonën e Kasharit me Mulletin, duke kaluar përgjatë luginës së Erzenit dhe duke shmangur keshtu qendrën e Tiranës dhe duke ofruar një alternativë për qarkullimin e mjeteve.

"Pikërisht këtu, në dalje të Kasharit, do të nisë gjurma e ByPassit të ri të Tiranës. Një rrugë 21 kilometra e gjatë, që do të përshkojë zonat jugperëndimore të qytetit dhe do të lidhet me Mulletin. Me ndërtimin e këtij segmenti, pritet të shmanget një nga nyjet më të mbingarkuara të trafikut në vend dhe të krijohet një korridor i ri për lëvizjen drejt jugut”, thotë gazetarja e Tv Klan, Valbona Halilaj.

Sipas Autoritetit Rrugor, projekti është konceptuar në mënyrë që të minimizojë ndikimin në komunitetet lokale dhe zonat e mbrojtura.

Projekti synon përfundimin brenda 24 muajve nga nënshkrimi i kontratës. Ai do të shërbejë jo vetëm si një rrugëdalje nga trafiku i rënduar i qytetit, por edhe si një korridor që synon të afrojë më shumë Shqipërinë me standardet europiane të infrastrukturës.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/