"Балабақша жағдайында тәрбиеленушілерге экологиялық тәрбие берудің маңызы"aудандық семинар-практикум

16.05.2025 ж. күні "Теремок" балабақшасында "Балабақша жағдайында тәрбиеленушілерге экологиялық тәрбие берудің маңызы" тақырыбында аудандық семинар-практикум өткізілді. Семинар "ECOLAB" жобасын жүзеге асыру, мектеп жасына дейінгі балаларда экологиялық мәдениетті қалыптастыру, балаларды табиғатқа саналы және жауапкершілікпен қарауға баулу, ата-аналарды тәрбиелеу-білім беру процесіне тарту міндеттерін жүзеге асыру мақсатында ұйымдастырылған семинарда педагогтер өз іс-тәжірибелерімен бөлісті. Семинарға қатысушылар балабақша ауласындағы бау-бақшаны, Гидропоника бөлмесін, ата-аналармен бірлесе жасалған көрмені, табиғат бұрыштарын тамашалады. Білім бөлімінің әдіскері Алимбекова Ботагөз Секеновна балаларды сауықтыру-шынықтыруға арналған "Тұзды шахта" және Гидропоника бөлмесін ашып, арнайы бөлмелерде балалардың зерттеу жұмыстарын, сауықтыру іс-шараларын жүргізудің маңыздылығына тоқталды. Педагогтер шебер-сыныпқа қатысып, жарамсыз заттардан әртүрлі бұйымдар жасады. Тренингке белсене қатыса отырып, денелері сергіп, көңіл күйлері көтерілді. Адамның табиғатпен байланыса өмір сүретініне тоқталып, табиғатты сақтау, аялауды әр адам өзінен бастау керек деген қорытынды жасады.