تۆتىنچى بۆلۈم: « ۋەزىيەت ياخشى بولۇپ كەتتى...»

«شەرقىي تۈركىستانغا كىرىشنى ئاسانلاشتۇرۇشنىڭ ئارقىسىدىكى مەقسەتلەر» ناملىق ھۆججەتلىك فىلىم

تۆتىنچى بۆلۈم«ۋەزىيەت ياخشى بولۇپ كەتتى…»


مەزكۇر ھۆججەتلىك فىلىم، ئايرىم شەخسلەرنىڭ كەچۈرمىشلىرىنىلا ئەمەس، بەلكى پۈتۈن بىر مىللەت دۇچ كېلىۋاتقان سىستېمىلىق باستۇرۇشنى پاكىتلار بىلەن ئوتتۇرغا چىقىرىدۇ. بۇ ھەقىقەتنى ئاڭلاش ۋە باشقىلارغا يەتكۈزۈش ھەر بىرىمىزنىڭ مەسئۇلىيتى. سۈكۈت قىلىشنى خالىمايدىغانلار ھەقىقەتنى بىللە ئاڭلايلى ۋە كۆرەيلى.

بۇ ھۆججەتلىك فىلىم دىئاسپورادىكى ئۇيغۇرلارنىڭ ۋەتەنگە قايتىش جەريانىدىكى ھەقىقىي كەچۈرمىشلىرىنى ئەكس ئەتتۈرىدۇ. فىلىم ئارقىلىق بىز "خاتىرجەم قايتىپ كېلىڭ" دېگەن تەكلىپنىڭ ئارقىسىدىكى مۇرەككەپ رېئاللىقنى كۆرەلەيمىز. فىلىمدە يوشۇرۇن كامېرا ۋە تېلېفونلار ئارقىلىق خاتىرىلەنگەن سۆھبەتلەر، ئائىلە مۇناسىۋەتلىرىنىڭ بېسىم قورالىغا ئايلاندۇرۇلۇشى، ۋە چەتئەلدىكى ئۇيغۇرلارنى نازارەت قىلىش ئۇسۇللىرى ئاشكارىلىنىدۇ.

فىلىمدىكى گۇۋاھچىلارنىڭ بايانلىرى ئارقىلىق، دىئاسپورادىكى ئۇيغۇرلارنىڭ ئۆز ئائىلىسى بىلەن كۆرۈشۈش ئۈچۈن مەجبۇرىي تەشۋىقات قىلىشقا مەجبۇرلىنىۋاتقانلىقى، ئۇلارنىڭ ھەر بىر ھەرىكىتى ۋە سۆزلىرىنىڭ نازارەت قىلىنىۋاتقانلىقى، ھەتتا تىل ۋە سۆز-ئىبارىلىرىنىڭمۇ كونترول قىلىنىۋاتقانلىقى كۆرسىتىلىدۇ.

خىتاي ھۆكۈمىتى ئۇيغۇرلارغا قارىتا يۈرگۈزۈۋاتقان سىستېمىلىق زۇلۇملىرىنى يوشۇرۇش ئۈچۈن، دىئاسپورادىكى ئۇيغۇرلارنى ئۆز تەشۋىقاتىنىڭ قورالى قىلىۋالماقتا. ئۇلارنى ۋەتەنگە قايتۇرۇپ، "ياخشى ئۆزگىرىشلەر" ھەققىدە سۆزلەشكە مەجبۇرلاش ئارقىلىق، ئۇيغۇرلارنىڭ ئۆزى ئارقىلىق جىنايىتىنى يۇيماقتا.

خىتاي ھۆكۈمىتى ھەر بىر ئۇچرىشىشنى سەھنىلەشتۈرۈپ، زىيارەتچىلەرنى ئىرقىي قىرغىنچىلىق جىنايىتىنى يوشۇرۇشنىڭ قورالى قىلماقتا. زىيارەتچىلەر ئۆز ئائىلىسىنىڭ بىخەتەرلىكى ئۈچۈن«شەرقىي تۈركىستاندا ھەممە ئىش نورمال»دېگەن يالغان تەشۋىقاتنىڭ جاكارچىسى بولۇشقا مەجبۇرلانماقتا. بۇ ھۆججەتلىك فىلىم، خىتاي ھۆكۈمىتىنىڭ "يېڭى ئېچىۋېتىش سىياسىتى"نىڭ ئارقىسىدىكى قورقۇنچلۇق ھەقىقەتنى، زىيارەتچىلەرنىڭ ئۆز كۆزى بىلەن كۆرگەن رېئاللىقنى ۋە خىتاينىڭ ئۇيغۇرلارغا قارىتىلغان جىنايەتلىرىنى خەلقئارادىن يوشۇرۇش ئۈچۈن قوللانغان ھىيلە-مىكىرلىرىنى پاش قىلىدۇ.

«شەرقىي تۈركىستانغا كىرىشنىڭ بوشىتىلىشىدىكى مەقسەتلەر» ناملىق چوڭ ھەجىمدىكى ھۆججەتلىك فىلىم ئۈچۈن سەككىز دۆلەتتىكى 20 دىن ئارتۇق ئۇيغۇر ۋە باشقا چەتئەللىك گۇۋاھچى ۋە مۇتەخەسىسلەر بىر يىل ئىز قوغلاپ سۈرەتكە ئېلىنغان. گۇۋاھچىلارنىڭ ئۇچۇرىنى قوغداش ئۈچۈن، ئەڭ يېڭى ئەقلىي ئىقتىدارلىق ئاۋاز قورالىدا تەقلىدىي ئاۋاز بېرىلگەن ۋە ئەقلىي ئىقتىدارلىق ئوبراز ئالماشتۇرۇپ كىرىشتۈرۈلگەن.
مەزكۇر فىلىم ئايرىم تېمىلاردا قىسىملارغا ئايرىلغان بولۇپ، ئوخشىمىغان قىسىملار شەرقىي تۈركىستاننىڭ 2013- يىلدىن باشلاپ ھازىرغىچە بولغان ھەقىقى ئەھۋالىنى نامايەن قىلىپ بېرىدۇ ۋە كۆرگۈچىلەرگە ھازىرقى ۋەزىيەتنىڭ سىز كۆرۈۋاتقان تەشۋىقاتقا ئوخشىمايدىغان ھەقىقىتىنى ئاشكارىلاپ بېرىدۇ.

ئەگەر ۋەتەنگە بېرىپ كەلگەن بولسىڭىز، ياكى بۇ توغرۇلۇق يېڭى ئۇچۇرلارنى بىلسىڭىز، پۈتۈنلەي مەخپى گۇۋاھلىق بېرىشنى خالىسىڭىز بىز بىلەن ئالاقىلىشىڭ. بىز سىزنىڭ ئاۋازىڭىز ۋە ئوبرازىڭىزنى پۈتۈنلەي ئۆزگەرتىپ بارلىق ئۇچۇرىڭىزنى قەتئىي مەخپى ساقلاشقا كاپالەتلىك قىلىمىز.

بۇ فىلىمنىڭ تېخىمۇ كۆپ تىللارغا تەرجىمە قىلىنىپ شەرقىي تۈركىستاندىكى ئىرقىي قىرغىنچىلىقنى ۋە خىتاينىڭ ئەپتى - بەشىرىسىنى دۇنيا جامائەتچىلىكىگە بىلدۈرۈشكە ئىقتىسادى ياردەم بېرىشنى خالىسىڭىز بىز بىلەن ئالاقىلىشىڭ.
.https://www.paypal.com/ncp/payment/ET...

فىلىم ھەر جۈمە كۈنى مەركىزى ياۋروپا ۋاقتى 19:00 دا بىر قىسىم قويۇلىدۇ.

ئالاقىلاشقۇچى:
ئۇيغۇر ئەدلىيە ئارخىپ ئامبىرى
بەختىيار ئۆمەر
[email protected]