WANAOLIMA BANGI ARUMERU; SERIKALI KUTAIFISHA MASHAMBA YAO

Wananchi wilaya ya Arumeru, wanaojishughulisha na kilimo haramu cha bangi, wametakiwa kuwacha mara moja kilimo hicho huku serikali ikiwa na mkakati wa kuwachukulia hatua kali ikiwemo kutaifisha mashamba na mali zao, endapo watabainika kuendelea na kilimo hicho cha bangi.Rai hiyo imetolewa na mkuu wa wilaya ya Arumeru Mhe. Emmanuela Mtatifikolo Kaganda, wakati wa oparasheni maalumu ya kutokomeza kilimo cha bangi kijiji cha Kisimiri Juu, ikiwa ni oparesheni ya kitaifa ya kupiga vita na kutokomeza madawa ya kulevya nchini.Katika operesheni hiyo, iliyoongozwa na Mkuu wa wilaya pamoja na Kamati ya Ulinzi na Usalama wilaya, jumla ya magunia 270 ya bangi na Kilo 300 za mbegu zilikamatwa na kuteketezwa kwa moto huku watuhumiwa wanne wakikamatwa na kuchukuliwa na Jeshi la Polisi.Hata hivyo Mkuu huyo wa wilaya amesikitishwa na kitendo cha wanachi wa kijiji hicho kufuta namba za anuani za makazi zilizowekwa kwenye nyumba zao, jambo ambalo linawafanya kushindwa kutambua rasmi magunia ya bangi ndani ya nyumba hizo ni ya nani.Aidha ameweka wazi mkakati wa serikali sasa ni kurasmisha mashamba yote ya wananchi wa kijiji hicho ili kuweza kutambua mmiliki halisi na halali wa shamba na kurahisisha utambuzi wa mtu anayelima bangi kwenye shamba husika."Serikali kupitia Mamlaka ya kudhibiti Madawa ya Kulenya walitoa elimu kwa wananchi kuwacha kulima bangi lakini bado wapo baadhi ya watu wanaendelea na kilimo hicho, tumekamata magunia 270 na Kilo 300 za mbegu jambo ambalo linaashiri bado kilimo hicho kinafanyika sana"Naye Mwakilishi wa Kamishna wa Mamlaka ya Kudhibiti na Kuupambana na Dawa za kulevya, Afisa Operationi Jackson George, amesema kuwa licha ya Mamlaka hiyo kutoa elimu ya matumizi ya bangi lakini bado wanachi wa Kisimiri wanaendelea kulima na kuuza zao hilo kwa siri, lakini Serikali itaendela kutoa elimu na kuchukua hatua kali za kisheria kwa yeyote atakayebainika.Operasheni ya kutokomeza kilimo cha bangi inaendelea, katika wilaya ya Arumeru hukue serikali ikiwa na mikakati thabiti ya kahakikisha wananchi wa akisimiri Juu na Chini halmashauri ya ameru na Kijiji cha Losinoni Juu halmashauri ya Arusha wanaachana na kilimo cha bangi.